وفاقی وزیر منصوبہ بندی کی زیرِ صدارت کابینہ کی توانائی کمیٹی کا اجلاس

تنزیلہ قریشی

04th Nov, 2021. 07:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی وزیر منصوبہ بندی کی زیرِ صدارت کابینہ کی توانائی کمیٹی کا اجلاس

وفاقی وزیر منصوبہ بندی اسد عمر کی زیر صدارت کابینہ کی توانائی کمیٹی کا اجلاس ہوا ہے۔

اجلاس میں پیٹرولیم ڈویژن کی پاکستان آئل اینڈ گیس ڈویلپمنٹ پلان کی سمری پر غور کیا گیا۔

جاری کردہ اعلامیہ کے مطابق منصوبے کا مقصد سی پیک کے تحت قائم انرجی ورکنگ گروپ کی اعانت ہے، اقدام سے ملک کے تیل اور گیس کے شعبے میں سرمایہ کاری کو حتمی شکل دی جاسکے گی۔

اعلامیے کے مطابق کمیٹی نے پیٹرولیم ڈویژن کو 30 روز میں مربوط پالیسی بنا کر پیش کرنے کی ہدایت دی، اجلاس میں ٹرانسمیشن سسٹم کی رکاوٹوں کے خاتمے کے امور پر بھی بات چیت ہوئی۔

وفاقی وزیر منصوبہ بندی اسد عمر کا کہنا تھا کہ ٹرانسمیشن صلاحیت میں اضافے سے پیداوار، طلب اور فراہمی میں توازن آئے گی۔

واضح رہے کہ کمیٹی کو ایف آئی اے کی پیٹرولیم بحران کے حوالے سے انکوائری کے بارے میں بریفنگ دی گئی۔