پاکستان بھر میں کاروباری ہفتے کے تیسرے روز سونے کی قیمت میں کمی ریکارڈ کی گئی ہے۔
آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 250 روپے کمی کے بعد 1 لاکھ 17 ہزار 400 روپے ہوگئی ہے جبکہ 10 گرام سونے کی قیمت 214 روپے کمی کے بعد 1 لاکھ 652 روپے ہوگئی ہے۔
قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 250 روپے کمی کے بعد 1 لاکھ 17 ہزار 400 روپے ہوگئی ہے جبکہ 10 گرام سونے کی قیمت 214 روپے کمی کے بعد 1 لاکھ 652 روپے ہوگئی ہے۔
ایسوسی ایشن کے مطابق عالمی مارکیٹ میں 8 ڈالر کی کمی سے فی اونس سونا 1784 ڈالر کا ہوگیا ہے۔
دوسری جانب انٹر بینک میں ڈالر کی قدر میں کاروباری ہفتے کے تیسرے روز کمی ریکارڈ کی گئی ہے۔
اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 0.57 پیسے کی کمی ریکارڈ کی گئی ہے۔
Interbank closing #ExchangeRate for today:https://t.co/lDGnjYLTkF pic.twitter.com/9Z6ozl8Ukp
— SBP (@StateBank_Pak) November 3, 2021
فاریکس ڈیلرز کے مطابق انٹربینک میں ڈالر 170.54 سے کم ہو کر 169.97 روپے پر بند ہوا ہے۔
علاوہ ازیں پاکستان اسٹاک ایکسچینج میں کاروباری ہفتے کے تیسرے روز انڈیکس میں منفی رجحان ریکارڈ کیا گیا ہے۔
پاکستان اسٹاک ایکسچینج (پی ایس ایکس) میں کاروباری ہفتے کے تیسرے روز انڈیکس میں زبردست اتار چڑھاو رہا تاہم مارکیٹ 80پوائنٹس کی کمی سے 47ہزار 32پر بند ہوئی۔
دن بھر مجموعی طور پر 378 کمپنیوں کے شیئرز میں کاروبار ہوا جن میں 184 کمپنیوں کے شیئرز کی قیمتوں میں اضافہ ہوا جبکہ 173 کمپنیوں کے شیئرز کی قیمتوں میں کمی ہوئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News