ایشز سیریز کے بارے میں آپ کیا جانتے ہیں

ویب ڈیسک

07th Dec, 2021. 08:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشز سیریز کے بارے میں آپ کیا جانتے ہیں

عالمی کرکٹ کے قدیم روایتی حریف آسٹریلیا اور انگلینڈ کے مابین ایشز سیریز کھیلی جاتی ہے۔

اس سیریز کی ابتدا 83-1882 میں ہوئی تھی، اب تک 71 سیریز کا انعقاد ہو چکا ہے جس میں سے آسٹریلیا 33 سیریز اپنے نام کر چکا ہے جبکہ انگلینڈ نے اس قدیم رکھ کی ٹرافی پر 32 مرتبہ قبضہ جمایا ہے، اور چھ سیریز بے نتیجہ رہی ہیں۔

اس سیریز میں مجموعی طور پر اب تک 335 میچز کھیلے گئے ہیں جن میں سے 136 میچز آسٹریلیا کے نام رہے اور 108 میچز میں انگلینڈ نے کامیابی کے قدم چومے، جبکہ 91 ٹیسٹ میچز بے نتیجہ رہے۔

آخری سیریز 2019 میں انگلینڈ میں کھیلی گئی تھی جو 2-2 سے برابر ہوئی تھی۔ یہ انگلینڈ میں کھیلی جانے والی واحد سیریز تھی جس کو انگلینڈ بمشکل برابر کر پایا تھا۔

انگلینڈ کو یہ اعزاز بھی حاصل ہے کہ اس نے آسٹریلیا کو مسلسل 8 سیریز میں شکست سے دوچار کیا تھا۔

انگلینڈ اور آسٹریلیا کے مابین ہونے والی اس سیریز کے دوران اب تک سر ڈان بریڈمین وہ واحد بلے باز ہیں جنہوں نے سب سے زیادہ 5028 رنزبنائے ہیں، جبکہ آسٹریلوی لیگ اسپنر شین وارن 195 وکٹس کے ساتھ سرفہرست ہیں۔