دنیا بھر میں ایمازون کی سروس معطل ہونے سے کروڑوں صارفین پریشان

ویب ڈیسک

15th Dec, 2021. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا بھر میں ایمازون کی سروس معطل ہونے سے کروڑوں صارفین پریشان

دنیا کا سب سے بڑا ای کامرس پلیٹ فارم ایمازون کا سرور ڈاؤن ہونے سے دنیا بھر میں کروڑوں صارفین متاثر ہورہے ہیں۔

غیر ملکی خبررساں ادارے کے مطابق امریکی کمپنی ایمازون کا ویب سرور ڈاؤن ہونے سے دنیا بھر میں ای کامرس پلیٹ فارم کی سروسز متاثر ہورہی ہے اور صارفین کو پریشانی کا سامنا کرنا پڑ رہا ہے۔

ای کامرس پلیٹ فارم ’ایمازون‘ کے سپورٹ سسٹم کی جانب سے سوشل میڈیا پر ٹوئٹ کی گئی جس میں انہوں نے صارفین سے معذرت کرتے ہوئے کہا ’’ہمیں آپ کے مسائل کا علم ہے اور ہماری ٹیم ان مسائل کو جلد از جلد ٹھیک کرنے کی ہرممکن کوشش کررہی ہے، اس حوالے سے ہم آپ کو معلومات فراہم کرتے رہیں گے‘‘۔

https://twitter.com/TwitchSupport/status/1471144138473189382

خیال رہے گزشتہ ہفتے بھی ایمازون کو اس قسم کے مسئلے کا سامنا کرنا پڑا تھا جب 9 دسمبر کو اس کا مین سروس ’کریش‘ کرگیا تھا جسے بحال کرنے میں 7 گھنٹے کا طویل وقت لگا اور اس دوران دنیا بھر کے صارفین کو مشکلات کا سامنا کرنا پڑا تھا۔

رپورٹس کے مطابق ایمازون سے جڑی تمام ویب سائٹس اور ہوسٹنگ سروس میں مسائل آرہے ہیں جب کہ زیادہ تر شکایات امریکا، چین، بھارت اور برطانیہ کے صارفین کی جانب سے آرہی ہیں۔