امریکی ویکسین بنانے والی کمپنی موڈرنا نے گزشتہ روز اومیکرون ویرینٹ کے خلاف موڈرنا کی تیسری خوراک کے مؤثر ہونے کا دعویٰ کیا ہے۔
موڈرنا کے صدر اسٹیفن ہوج نے ایک کانفرنس کال کے ذریعے میڈیا سے بات کرتے ہو ئے موڈرنا کی تیسری خوراک کو اومیکرون ویرینٹ کے لئے 83 فیصد موٗثر قرار دیا ۔
تاہم انہوں نے کہا کہ ٹیسٹ کے نتائج سے یہ بات سامنے آئی ہے کہ صرف دو خوراکیں اومیکرون کے خلاف اتنی مؤثر ثابت نہیں ہوئی لیکن اس کا تیسری خوراک کے ساتھ یہ اومیکرون کے لئے زیادہ اینٹی بادیز فراہم کرتی ہے۔
کمپنی کے مطابق اس مقصد کے لئے 40 افراد کے خون کے نمونوں کا لیبارٹری میں معائنہ کیا گیا، جس میں پہلے اور بعد کی خوراکوں پر اینٹی بادیز کو نوٹ کیا گیا۔
لیبارٹری ٹیسٹ کے مطابق موڈرنا کی پہلی اور دوسری خوراک 100مائیکروگرام کووڈ سے بچاؤ کے لئے جبکہ تیسری 50 مائیکروم گرم بوسٹراومیکرون کے لئے دی گئی۔
کمپنی کا کہنا ہے کہ لیب کے ٹیسٹ کے نتائج کے مطابق آدھی بوسٹر دوز یعنی 50 مائیکروگرام نے اینٹی بادیز کو 37 گنا، جبکہ پوری بوسٹر ڈوزیعنی 100 مائیکروگرام پر 83 گنا اینٹی باڈیز میں اضافہ کیا۔
موڈرنا کاکہنا ہے کہ آدھی بوسٹر ڈوز ہر ایک کے لئے یکساں افادیت رکھتی ہے لیکن کمزور افراد کو مکمل تیسری خوراک دی جائے گی۔
کمپنی نے یہ اعلان ابتدائی لیبارٹری ٹیسٹ اور ڈیٹا کی بنیاد پر کیا ہے تاہم ابھی مزید تحقیق کی گنجائش باقی ہے۔
واضح رہے کہ فائزر، جانسن اینڈ جانسن اور موڈرنا نے اپنی ویکسین کی تیسری خوراک کو اومیکرون کے خلاف مؤثر ہونے کا دعویٰ کیا ہے جبکہ یہ اومیکرون کے لئے ویکسین کی تیاری پر کام کر رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News