لاہور: قومی ائیرلائن پی آئی اے کے ملازمین کو بالآخر خوشخبری مل ہی گئی، پی آئی اے ملازمین کی تنخواہوں میں اضافے کا نوٹیفکیشن جاری کردیا گیا۔
پی آئی اے کے چیف ہیومن ریسورس آفیسر کی جانب سے جاری کئے گئے نوٹیفیکیشن کے مطابق تنخواہوں میں اضافے کا اطلاق یکم نومبر سے ہوگا۔
نوٹیفکیشن میں کہا گیا کہ پے گروپ ایک اور دو کے ایڈمن، ٹیکنیکل اسٹاف کی تنخواہوں میں پچیس فیصد اضافہ کیا گیا ہے، جبکہ پے گروپ تین اور چار کے ایڈمن، ٹیکنیکل اسٹاف کی تنخواہوں میں بیس فیصد اضافہ کیا گیا۔
جاری نوٹیفیکیشن کے مطابق انجینیئرنگ افسر، پے گروپ پانچ اور چھ کے افسران کی تنخواہوں میں پندرہ فیصد جبکہ ایئرکرافٹ انجینیئرز، کاک پٹ کریو، جنرل منیجرز اور پے گروپ سات تا نو کے افسران کی تنخواہوں میں دس فیصد اضافہ کیا گیا ہے۔
نوٹیفیکیشن میں کہا گیا کہ اضافے کا اطلاق کنٹریکٹ ملازمین پر نہیں ہوگا، ملازمت سے برطرف، جبری ریٹائرڈ ملازمین بھی اضافے کے اہل نہیں ہوں گے۔
نوٹیفکیشنمیں مزید بتایا گیا کہ ایسے ملازمین جو چار ماہ سے زیادہ بغیر تنخواہ رخصت پر ہیں، ان کی تنخواہ میں بھی اضافہ نہیں ہوگا، مذکورہ ملازمین چھٹیوں سے واپس دفتر آکر کام شروع کرنے پر تنخواہ میں اضافے کے حقدار ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News