نیویارک:ایلن مسک نے اپنے ہم شکل چینی کی ویڈیوپر اپنی رائے کا اظہار کیا۔

انٹرنیٹ کے اس دور میں جہاں دنیا سمٹ گئی ہے وہی بہت سی ایسی معلومات بھی منظر عام پر آگئی ہیں جن سے پہلے ہمارا واسطہ کم ہی پڑتا تھا۔ ان ہی میں کئی معروف شخصیات کے ہمشکل بھی شامل ہیں۔

جدید ٹیکنالوجی کی تناظر میں ایلن مسک کا نام کسی تعرف کا محتاج نہیں، یوں تو وہ ہمیشہ ہی اپنی نئے ایجادات کے بارے بات کرتے دکھائی دیتے ہیں لیکن حال ہی انہوں اپنے ہم شکل کی ویڈیو پر دلچسپ تبصرہ کر ڈالا۔ رواں ماہ کے وسط ہی سے ایک ویڈیو کافی وائرل ہو رہی ہے جس میں ایک چینی کو ایلن مسک کا ہم شکل قرار دیا جارہا ہے۔

ایلن مسک نے یہ ویڈیو دیکھ کر کہا ’ہو سکتا ہے کہ میں آدھا چینی ہوں‘۔

واضح رہے کہ اس ویڈیو کو صارفین کی جانب سے کافی پسند کیا جارہا ہے، تاہم کچھ صارفین کا کہنا ہے کہ یہ ویڈیو ترمیم شدہ ہے۔ کیونکہ ویڈیو میں دکھائی دینے والاشخص ایلن مسک سے مشابہت نہیں رکھتا بلکہ اس نے یہ کام شہرت حاصل کرنے کے لئے ڈیپ فیک نامی ٹیکنالوجی کا سہارا لے کر کیا ہے۔

ڈیپ فیک ایک ایسی ٹیکنالوجی ہے جس کے ذریعے کسی بھی تصویر اور ویڈیو کو آسانی سے تبدیل کیا جاسکتا ہے اور مطلوبہ شخص کا چہرہ لگایا جاسکتا ہے تاکہ غلط بات اور افواہوں کو پھیلایا جاسکے۔