سائنس دانوں نے رحم کے آپریشن کو زیادہ موثر طریقے سے سر انجام دینے کے لیےانسانی ہاتھوں سے مماثل روبوٹ تیار کرلیا ہے جنہیں کام یابی سے امریکا کے تین بڑے اسپتالوں میں استعمال کیا جا رہا ہے۔

ہومینیز کے نام سے پیش کیے گئے اس روبوٹ کو اسرائیلی کمپنی میمک انوویشن سرجری نے تیار کیا ہے۔ میمک کے شریک بانی اور چیف ایگزیکٹو آفیسر ڈیور کوہن کا کہنا ہے کہ یہ روبوٹ چمٹی کی شکل والے دو انسان نما ہاتھوں پر مشتمل ہے۔

ہومینیز کو جراحی کے دوران ایک کنٹرولر کی مدد سے کنٹرول کیا جاتا ہے جو بڑی اسکرین پر جراحی کے عمل کو ریئل ٹائم میں دیکھتے ہوئے یہ کام سر انجام دیتا ہے۔

بازو، کہنی اور کلائی پر موجود جوڑ ہومینیز کو اپنے بازوؤں کو 360 ڈگری پر حرکت  دینے میں مدد دیتے ہیں۔  اس میں موجود اضافی بازوایک چھوٹے اور علحیدہ شگاف کے ذریعے لیپرو اسکوپک ویڈیو کیمرے کو اندرونی پروسیجر کو کنٹرولر کے سامنے موجود اسکرین پربصری شکل دینے میں مدد دیتا ہے۔

آپریشن کرنےکے لیے ہومینیز کو ویجائنا کے ذریعے جسم میں داخل کیا جاتا ہے جہاں یہ رحم کو اپنے بازوؤں میں لپیٹ کر جراحی کا عمل مکمل کرتا ہے۔ ہومینیز کی مدد سے رحم کو ایک یا دونوں فیلیو پین ٹیوبز اور اوریز کے ساتھ بھی علحیدہ کیا جاسکتا ہے۔

ڈیور کا کہنا ہے کہ ہومینیز امریکا کی فوڈ اینڈ ڈرگ ایڈ منسٹریشن کی جانب سے منظور ہونے والاپہلا روبوٹک سرجری سسٹم ہے، تاہم ایف ڈی اے نے اس ڈیوائس کو آپریٹ کرنے والے سرجنز اور طبی عملے کو جامع تربیت فراہم کرنے کی ہدایت کی ہے۔

انہون نے بتایا کہ ہومینیز فلوریڈا کے  کینڈل ریجنل میڈیکل سینٹر، ایڈوینٹ ہیلتھ سلیبیریشنز اور جیکسن میموریل پر واقع دی ویمنز اسپتال میں کام یابی سے استعمال کیا جا رہا ہے۔