پاکستان ڈیموکریٹک موومنٹ (پی ڈی ایم) کے 31 جنوری کو ہونے والے جلسے میں دہشتگرد حملے کے خطرے کے پیش نظر ضلعی انتظامیہ کی جانب سے الرٹ جاری کردیا گیا ہے۔
پی ڈی ایم سربراہ مولانا فضل الرحمان کی چمن آمد پر پابندی عائد کردی گئی ہے۔
مولانا فضل الرحمان کا دورہ چمن منسوخ کرنے کے لئے ڈپٹی کمشنر چمن نے کمشنرکوئٹہ ڈویڑن کو مراسل بھیج دیا ہے جس کے مطابق مولانا فضل الرحمان چمن دورہ منسوخ کریں، سیکیورٹی کلیئرنس نہیں ہے۔
ضلعی انتظامیہ کے مطابق دہشتگردی کے خطرے کے پیش نظر مولانا فضل الرحمان چمن نہیں آئیں، مولانا فضل الرحمان کوسیکیورٹی کلیئرنس نہیں دے سکتے، دہشتگردحملوں کا خطرہ ہے، لیویز ناکے پر حملے کی ذمہ داری ٹی ٹی پی قبول کرچکاہے۔
یاد رہے پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمٰان کو 31 جنوری کو چمن کا دورہ کرنا تھا۔
دوسری جانب ترجمان جے یو آئی (ف) نے کہا ہے کہ مولانافضل الرحمان اورپی ڈی ایم قیادت 31 جنوری کوچمن میں جلسہ عام سے خطاب کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News