سورج کی کرنیں وٹامن ڈی حاصل کرنے کا بہترین زریعہ ہیں، ماہرین کے مطابق خواتین کے لئے دھوپ میں بیٹھنا بےحد ضروری ہے۔

سورج کی چمکدار کرنیں ہمارے جسم کو وٹامن ڈی فواہم کرتی ہیں، جبکہ وٹامن ڈی اور سی خواتین کی صحت کے لئے بےحد ضروری ہیں۔

پاکستان سمیت دنیا بھر میں خواتین میں بریسٹ کینسر کے واقعات تیزی سے بڑھ رہے ہیں،  اس حوالے سے نیویارک میں ایک تحقیق کی گئی ہے جس  سے معلوم ہوا ہے کہ خواتین کے دھوپ سینکنے سے چھاتی کے سرطان کا خطرہ کم ہوسکتا ہے۔

  تفصیلات کے مطابق جرنل آف ’کینسر ایپی ڈیمیولوجی، بایومارکر اور پری وینشن جرنل‘ میں شائع تحقیق میں یہ بات سامنے آئی ہے کہ خواتین کا دھوپ میں بیٹھنا ان میں چھاسی کا کینسر ہونے کے خدشات کو کم کرتا ہے۔

اس تحقیق میں دھوپ میں کچھ وقت گزارنے والی 307 اور اس دھوپ سے دور رہنے والے 328 خواتین کی جلد میں کروما میٹر سے پیمائش کی گئی جس میں کرومامیٹر بتاتا ہے کہ جلد پر کتنی دھوپ پڑی ہے۔

تاہم اس تحقیق کے نتائج میں یہ بات سامنے آئی ہے کہ دھوپ میں زیادہ وقت گزارنے والی خواتین میں چھاتی کے سرطان میں کمی دیکھی گئی۔

ماہرین نے دریافت کیا کہ جن خواتین نے دھوپ میں سب سے زیادہ وقت گزارا ان میں بریسٹ کینسر کا خطرہ سب سے کم تھا۔

 اس کی تصدیق ایسٹروجن ریسپٹر کی کیفیت سے کی گئی، دوسری جانب دنیا بھر کے ماہرین بھی خواتین و مرد دونوں کو ہی دھوپ میں بیٹھنے کا ہمیشہ  مشورہ دیتے ہیں خاص طور پر سردی کے موسم میں صبح سورج نکلنے کے بعد سے گیارہ بجے تک کی دھوپ میں کچھ دیر لازمی بیٹھنے کا مشورہ دیا جاتا ہے۔