امیر جماعت اسلامی سراج ا لحق نے کہا ہے کہ آئی ایم ایف کی فرمائش پر منی بجٹ عوام پر ناقابل برداشت کاری ضرب ہے۔
جماعت اسلامی کے امیر سراج ا لحق نے اپنے ایک بیان میں کہا ہے کہ آئی ایم ایف کی فرمائش پر منی بجٹ عوام پر ناقابل برداشت کاری ضرب ہے، پی ٹی آئی نے مہنگائی کا 74سالہ ریکارڈ توڑ دیا۔
سراج الحق نے کہا کہ عالمی جریدوں کی رپورٹ کے مطابق پاکستان دنیا کا چوتھا مہنگا ترین ملک بن چکا۔
انہوں نے کہا کہ حکومت درپیش چیلنجز سے نمٹنے کی بجائے مسائل میں اضافہ کر رہی ہے، عوام مہنگائی اور غربت سے لڑ رہے جب کہ کھلاڑی آپس میں دست و گریبان ہیں۔
امیر جماعت اسلامی نے کہا کہ قوم جانتی ہے لوگوں کے مسائل حل کی جدوجہد صرف جماعت اسلامی کر رہی ہے۔
سراج الحق نے کہا کہ کراچی ہو یا گوادر جماعت اسلامی سڑکوں پر بیٹھ کر عوام کا حق مانگ رہی ہے، یقین ہے سود سے پاک معیشت ملک کو درپیش مسائل کا حل ہے۔
ان کا کہنا تھا کہ سرمایہ داروں اور مافیاز نے 22کروڑ عوام کو یرغمال بنایا ہوا ہے، عوام کی محرومیاں بڑھتی رہیں تو نتائج خطرناک ہوسکتے ہیں، الیکشن میں حکمرانوں کو اپنے کیے کا جواب دہ ہونا پڑے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News