پاکستان کرکٹ ٹیم کے سابق لیجنڈری کپتان شاہد خان آفریدی نے آئی سی سی ایوارڈ جیتنے والے پاکستانی کھلاڑیوں کو مبارکباد پیش کی ہے۔
تفصیلات کے مطابق سماجی رابطے کی ویبسائٹ ٹویٹر پر جاری بیان میں شاہد آفریدی نے شاہین شاہ آفریدی کومبارکباد دیتے ہوئے کہا کہ مبارک ہو شاہین! یہ آپ اور پاکستان کے لیے ایک یادگار کارنامہ ہے،بے شک آپ تےعریف کے مستحق ہیں۔
Congratulations Shaheen! This is a monumental achievement for you and Pakistan. Richly deserved indeed 👏 We now have a team full of superstars. Congratulations once again to Rizwan, Babar and Shaheen. https://t.co/yjjE7buxBB
— Shahid Afridi (@SAfridiOfficial) January 24, 2022
شاہد آفریدی نے کہا کہ اب ہمارے پاس سپر اسٹارز سے بھری ٹیم ہے۔
شاہد آفریدی نے بابر اعظم اور محمد رضوان کو بھی آئی سی سی ایوارڈ جیتنے پر مبارکباد پیش کی ہے۔
پاکستان کی کرکٹ کی تاریخ میں پہلی بار سر گار فیلڈ سوبرز ٹرافی پاکستان کے فاسٹ باؤلر شاہین شاہ آفریدی نے جیت لی ہے جبکہ اس کا اعلان آئی سی سی نے کیا ہے۔
واضح رہے کہ شاہین شاہ آفریدی کو یہ ایوارڈ گذشہ سال 36 انٹرنیشنل میچز میں 22.20 کی اوسط سے 78 وکٹیں حاصل کرنے پر دیا گیا ہے جبکہ ان کی بہترین باؤلنگ 51 رنز دے کر 6 وکٹیں رہیں۔
شاہین شاہ نے 9 ٹیسٹ میچز میں 17.06 کی اوسط سے 47 وکٹیں حاصل کیں جبکہ ٹی ٹوئنٹی ورلڈ کپ میں 7 وکٹیں اپنے نام کیں اور ساتھ ہی مجموعی طور پر 21 میچز میں 23 وکٹیں حاصل کی ہیں۔
علاوہ ازیں آئی سی سی نے قومی ٹیم کے کپتان بابر اعظم کو آئی سی سی ون ڈے کرکٹر آف دی ایئر اور محمد رضوان کو آئی سی سی ٹی ٹوئنٹی کرکٹر آف دی ایئر قرار دیا ہے۔
آئی سی سی ایوارڈز میں پاکستان کے مردوں کے ساتھ خواتین کرکٹرز بھی کسی سے پیچھے نہ رہیں اور پاکستان کی کھلاڑی فاطمہ ثناء کو آئی سی سی نے ایمرجنگ کرکٹر آف دی ایئر قرار دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News