گزشتہ دو برسوں سے جاری اس وبا کے دوران کورونا وائرس نے کئی بارجنیاتی طور پر اپنی ہیئت تبدیل کی ہے اور ہر نئی قسم سابقہ قسم کے مقابلے میں کافی مختلف علامات اور شدت رکھتی ہے۔
کورونا کی نئی قسم اومیکرون دنیا بھر میں تیزی سے پھیل رہی ہے جس کے لئے ماہرین کی جانب سے بوسٹر ڈوزکی اجازت دی گئی تاکہ وائرس کی اس نئی قسم سے محفوظ رہا جاسکے۔ تاہم بوسٹر ڈوز لگانے کے بعد اومیکرون سے کتنا تحفظ ملتا ہے اس کے لئے پہلا ڈیٹا جاری کر دیا گیا۔
امریکا سینٹرزفارڈیزیز کنٹرول اینڈ پریونٹیشن نے کورونا وائرس کی نئی قسم اومیکرون کے خلاف کووڈ ویکسینز کے بوسٹر ڈوز کی افادیت کے حوالے سے 3 نئی تحقیقی رپورٹس جاری کی ہیں۔
واضح رہے کہ یہ حقیقی زندگی میں کورونا کی نئی قسم اومیکرون کے خلاف بوسٹر ڈوزکے اثرات کا پہلا ڈیٹا ہے جسے جاری کیا گیا ہے۔
21 جنوری 2022 کو جاری کی جانے والی تحقیقی رپورٹس کے مطابق اومیکرون سے بہترین تحفظ کے لئے ویکسین کی اضافی ڈوز بہت اہم ہے۔
جبکہ ایک تحقیق میں یہ کہا گیا کہ دسمبر اور جنوری کے دوران بوسٹرڈوز کو اومیکرون سے بیمار ہونے پر ہسپتال میں داخلے سے بچانے میں 90 فیصد تک مؤثرپایا کیا گیا۔
یہ نتیجہ 10 امریکی ریاستوں کے 88 ہزار مریضوں کے ڈیٹا کی جانچ پڑتال کے بعد حاصل کیاگیا جنہیں ہسپتال میں داخل کیا گیا۔
اس تحقیق کے مطابق ویکسین کی دو ڈوز سے بھی اومیکرون سے ہسپتال میں داخلے کے خطرے سے 57 فیصد تک تحفظ ملتا ہے، وہ بھی اس وقت جب دوسری خوراک کو کم از6 ماہ گزر چکے ہوں۔
اسی تحقیق میں بوسٹر ڈوز کے لئے مزید یہ بھی کہا گیا کہ یہ مریضوں کے ایمرجنسی روم اور ہنگامی نگہداشت کے مراکزسے دور رکھنے میں 82 فیصد تک مؤثر ہے۔
یہ نتائج 10 امریکی ریاستوں کے ان 2 لاکھ مریضوں کے ڈٰیٹا کی جانچ پڑتال کے بعد معلوم ہوا جنہوں نے طبی مراکزکا وزٹ کیاتھا۔
جبکہ ویکسین کی صرف دو ڈوزامیکرون سے تحفظ دینے میں 38 فیصد تک مؤثر ثابت ہوئیں۔
اس تحقیق کے نتائج سی ڈی سی کے جریدے Morbidity and Mortality ویلکی رپورٹس میں شائع کئے گئےہیں۔
دوسری تحقیق کے نتائج بھی اسی جریدے میں شائع کئے گئے ہیں جس کے مطابق ویکسین کی تین ڈوزاستعمال کرنے والے افراد میں اومیکرون سے بیمارہونے کا امکان دیگر کے نسبت کم ہوتا ہے۔
تحقیق میں 25 امریکی ریاستوں کے ڈیٹا کا تجزیہ کرنے پر محققین نے دریافت کیا کہ ہر ہفتے بوسٹر ڈوز کے بعد بیمار ہونے والے افراد کی تعداد اوسطاً ایک لاکھ میں سے 149 تھی۔
جبکہ اس کے مقابلے میں 2 ڈوز استعمال کرنے والوں میں یہ شرح ایک لاکھ میں 255 تھی۔
تیسری تحقیق کے نتائج بھی ایک طبی جریدے جرنل جاما شائع کیے گئے ہیں جس کے مطابق بوسٹر ڈوز سے لوگوں کو اومیکرون قسم سے بیمارہونے سے تحفظ میں مدد ملتی ہے۔
اومیکرون کے 13 ہزار کیسزکی جانچ پڑتال سے یہ بات سامنے کہ ویکسین کی تیسری ڈوز کے استعمال کے بعد اومیکرون کی علامات والی بیماری کا خطرہ ویکسین کی دو ڈوز استعمال کرنے والوں کی نسبت 66 فیصد تک کم ہوجاتا ہے۔
واضح رہے کہ ان تینوں تحقیق اور اس کے نتائج سے بات سامنے آئی ہے کہ ویکسینیشن سے دور رہنے والے افراد میں اس وائرس سے بیمار ہونے کا خطرہ زیادہ ہوتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News