اداکار مسعود اختر کی طبیعت ناساز، اسپتال میں داخل

ویب ڈیسک

28th Jan, 2022. 10:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکار مسعود اختر کی طبیعت ناساز، اسپتال میں داخل

نامور اداکار مسعود اختر طبیعت ناساز ہوگئی جس پر انہیں گنگارام اسپتال میں داخل کرا دیا گیا ہے۔

پاکستان کے معروف اداکار مسعود اختر کی طبیعت ناساز ہونے سے متعلق اہل خانہ کا کہنا ہے کہ انہیں ٹھنڈ کی وجہ سے نمونیہ ہوا ہے اور مسعود اختر کے پھیپھڑوں میں انفیکشن کی شکایت ہے جس پر انہیں اسپتال لایا گیا ہے ، ڈاکٹرز کے معائنے کے بعد مزید ٹیسٹ کئے جائیں گے۔

اداکار مسعود اختر کے اہلیہ کا کہنا ہے کہ مسعود اختر کی صبح طبیعت زیادہ خراب ہوگئی تھی جس کے بعد انہیں گنگارام اسپتال میں داخل کروایا گیا ہے۔

اداکار کی اہلیہ نے مسعود اختر کی صحت یابی کے لیے قوم سے دعاؤں کی اپیل بھی کی ہے۔

5 ستمبر 1940ء کو ساہیوال میں پیدا ہونے والے اداکار مسعود اختر نے ٹی وی ڈراموں میں اپنے منفرد کردار سے شہرت حاصل کی لیکن انہوں نے کئی فلموں میں بھی کام کیا جب کہ انہوں نے زیادہ تر فلموں میں ہیرو کے بجائے ولن کے طور پر کردار ادا کیے۔

60 کی دہائی میں اپنے کیریئر کا آغاز کرنے والے اداکار مسعود اختر کو فنی خدمات پر حکومت پاکستان کی جانب سے صدارتی تمغہ برائے حسن کارکردگی بھی بھی نوازا ہے جب کہ وہ پرائیڈ آف پرفارمنس کا ایوارڈ بھی حاصل کرچکے ہیں۔