بھارتی اداکار کا خاتون کو اغوا اور ہراساں کرنے پر مقدمہ درج کرلیا گیا۔
غیر ملکی خبر رساں ادارے کے مطابق پولیس کی کرائم برانچ نے اتوار کے روز فلم ڈائریکٹر بالاچندر کمار کے اعتراف اور آڈیوز سامنے آنے کے بعد مقامی انڈسٹری ملیالم کے اداکار دلیپ کے خلاف مقدمہ درج کیا۔
پولیس کے مطابق اداکار نے 2017 میں اپنے خلاف دائر خاتون کے اغوا اور جنسی ہراسانی کے مقدمے کی تفتیش کرنے والے پولیس افسر کو قتل کرنے کی منصوبہ سازی کی۔
حال ہی میں فلم ڈائریکٹر نے ایک ٹی وی پروگرام میں انکشاف کیا کہ دلیپ نے ہراساں کرنے کے واقعے کی ویڈیو دیکھی اور مرکزی ملزم سنیل کمار (جو فلم انڈسٹری میں ڈرائیور کے طور پر کام کرتے ہیں) قریبی مراسم بنائے۔
اس کے علاوہ دلیپ کے کچھ آڈیو کلپ بھی سامنے آئے، جن میں سے ایک میں وہ کسی کو انتظار کا مشورہ دیتے ہوئے کہہ رہے تھے کہ ’پانچوں تفتیشی افسران جلد نقصان پہنچنے والا ہے‘۔
ایک اور آڈیو میں اداکار نے مبینہ طور پر کہا کہ ’اگر ان تفتیشی افسران کو کوئی ٹرک والا ٹکر مار دے تو وہ ڈیڑھ کروڑ روپے کا انتظام کردیں گے‘۔
اس کیس کے حوالے سے پولیس ذرائع کا کہنا ہے کہ مقدمہ درج ہونے کے بعد ابتدائی تفتیش کی جائے گی جس کی روشنی میں دلیپ کو گرفتار کرنے کا فیصلہ کیا جائے گا۔
تاہم دلیپ نے اس معاملے پر کہا کہ وہ ساری باتوں کا جواب عدالت میں دیں گ
واضح رہے کہ اداکار دلیپ کے خلاف ہراسانی اور اغوا کا مقدمہ کوچی کی خصوصی عدالت میں زیر سماعت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News