وزیر توانائی سندھ امتیاز شیخ کا کہنا ہے کہ پیٹرول 160 روپے لیٹر ہوگیا ہے مگر گھبرانہ نہیں ہے۔
امتیاز شیخ نے پیٹرولیم مصنوعات کی قیمتوں میں اضافے پر ردعمل دیتے ہوئے کہا کہ چور چور کا شور مچانے والے روزانہ کی بنیاد پر عوام کی جیبوں پر ڈاکہ ڈال رہے ہیں۔
انہوں نے کہا کہ موجودہ حکومت نے عوام کو ریلیف دینے کے بجائے مہنگائی کا پہاڑ گرا دیا ہے، ترین کی بدترین پالیساں پیٹرولیم مصنوعات کی قیمتیں تاریخ میں بلند ترین ہیں۔
وزیر توانائی سندھ نے کہا کہ پیٹرولیم مصنوعات کی قیمتوں میں اضافے کے بعد اشیائے خورد ونوش، بجلی اور ٹرانسپورٹ کی قیمتوں میں بھی اضافہ ہوگا۔
انکا کہنا ہے کہ عوام موجودہ حکومت کی نااہلی ناکامیوں اور بدعنوانیوں کا اب مزید بوجھ برداشت نہیں کر سکتی، 27 فروری مہنگائی مارچ موجودہ حکومت کے ظلم کے خلاف آخری کیل ثابت ہوگا۔
امتیاز شیخ نے مزید کہا کہ ساڑھے تین سالہ دور حکومت میں عوام کو جو تکالیف تبدیلی سرکار نے پہنچائی ہے آئندہ انتخابات میں عوام اس کا بدلہ سود سمیت وصول کریں گے۔
حکومت نے ایک بار پھر عوام پر پیٹرول بم گرادیا
حکومت نے پیٹرول کی قیمت میں 12 روپے سے زائد اضافے کا اعلان کردیا ہے۔
وزارت خزانہ کی جانب سے جاری کردہ نوٹیفکیشن کے مطابق پیٹرول کی قیمت میں 12 روپے اور 3 پیسے اضافہ کیا گیا ہے جس کے بعد نئی قیمت 159 روپے اور86 پیسے فی لیٹر ہوگئی۔
وزارت خزانہ کے مطابق قیتموں کا اطلاق آج رات 12 بجے سے ہوگیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News