احسن اقبال کا کہنا ہےکہ عمران خان کی کابینہ اب تعریف کی نہیں، چارج شیٹ کی مستحق ہے۔

مسلم لیگ ن کے مرکزی رہنما احسن اقبال نے میڈیا سے گفتگو کرتے ہوئے کہاکہ عمران خان کرپشن کا ورلڈکپ جیت چکے، عمران خان دوسروں کوکیسےچور، ڈاکوکہہ سکتےہیں؟

انہوں نے کہاکہ عمران خان اپنے  چارج شیٹ کے مستحق وزرا کوکارکردگی پراسناد دے رہے ہیں، عمران خان نے پاکستان کو دنیا کا کرپٹ ترین ملک بنادیا، پاکستان کوکرپٹ ترین بنانےوالاہمیں چور، ڈاکوکہہ رہاہے۔

مسلم لیگی رہنما نے کہاکہ عمران خان وزارت عظمیٰ کےلائق نہیں،سرکس میں ہوناچاہیے،ترقی کا عمل اجڑچکا، وزیراعظم اپوزیشن کی نقلیں اتاررہےہیں،آج پاکستان کاپرائم منسٹردنیامیں”پرائم بیگر” بن گیا۔

احسن اقبال نے کہاکہ حکومت نےملکی معیشت کوتباہ کردیا، حکومت جھوٹےاحتساب کوسچاثابت کرنےکی کوشش کررہی ہے،حکومت کےالزامات کےباعث سی پیک کامنصوبہ تباہ ہوا، ہما رے خلاف مقدمات الف لیلیٰ کی کہانی ہیں۔

ان کا کہنا ہےکہ عمران خان نیب آرڈیننس کےذریعے من پسند ججزکولاناچاہتےہیں،عمران خان من پسند ججزسےمخالفین کوسزائیں دلواناچاہتےہیں، عمران خان کےمشیرشہزاداکبرکھوج لگا تے لگا تے چلےگئے،3200 ارب کےفنڈزجاری کیے، 32 پیسےکی بدعنوانی ثابت کرکےدکھائیں۔

احسن اقبال نے کہاکہ نارووال منصوبےسےنوجوان عالمی سطح پرملک کانام روشن کر سکتے تھے، نارووال اسپورٹس منصوبےکوانتقام کانشانہ بناکرتباہ کردیا، میرے خلاف کیس میں بد عنوانی ، کک بیکس کاالزام نہیں، نارووال اسپورٹس منصوبےکیلئےفنڈنگ کرنےکاالزام ہے۔

ان کا کہنا تھا کہ نارووال اسپورٹس سٹی بنانامیراجرم بن گیا، ایم پی اے قمرالاسلام کوعدالت نے باعزت  بری کردیا، نیب ،ایف آئی اےکےشواہد کواین سی اے نے ردی کی ٹوکری میں پھینک دیا۔