پاور ہٹنگ میں نام کمانے والے آصف علی نے بالنگ میں بھی اپنا جادو دکھا دیا، کراچی کنگز کے خلاف سنسنی خیز مقابلے میں دو وکٹیں حاصل کیں۔

پاکستان سپر لیگ سیزن 7 کے 21 ویں میچ میں اسلام آباد یونائیٹڈ نے کراچی کنگز کو اعصاب شکن اور سنسنی خیز مقابلے کے بعد ایک رن سے شکست دے دی۔

اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 7 وکٹوں پر 191 رنز بنائے تھے ، آصف علی نے 11 گیندوں پر 28 رنز کی جارحانہ اننگ کھیلی جس میں 3 چھکے بھی شامل تھے۔

 ہدف کے تعاقب میں کراچی کنگز پی ایس ایل 7 میں اپنی پہلی فتح سے صرف ایک رن پیچھے رہ گیا۔ کراچی کنگز نے 8 وکٹ پر 190 رنز بنائے، آخری بال پر ایک رن درکار تھا مگر کرس جورڈن رن آؤٹ ہو گئے۔

https://twitter.com/thePSLt20/status/1493279294063263751?ref_src=twsrc%5Etfw%7Ctwcamp%5Etweetembed%7Ctwterm%5E1493279294063263751%7Ctwgr%5E%7Ctwcon%5Es1_&ref_url=https%3A%2F%2Furdu.arynews.tv%2Fpsl7-asif-ali-bowling%2F

میچ کی خاص بات پاور ہٹر آصف علی تھے جو میچوں میں بالرز کے چھکے چھڑانے میں مشہور ہیں ، اسلام آباد یونائیٹڈ کی طرف سے آصف علی نے بالنگ بھی کرائی۔

آصف علی نے اپنی نپی تلی بالنگ سے کراچی کنگز کے بیٹرز کو حیران و پریشان کئے رکھا۔

Asif Ali the bowler- gets another one!#HBLPSL7 l #LevelHai l #IUvKK pic.twitter.com/FplBWBfKoS

— PakistanSuperLeague (@thePSLt20) February 14, 2022

انہوں نے اپنے کپتان کی لاج رکھتے ہوئے نپی تلی بالنگ سے ٹیم کی کامیابی میں اہم کردار ادا کیا، حالانکہ انہیں پارٹ ٹائم بالر کے طور پر گیند تھمائی گئی تھی۔

آصف علی نے کراچی کنگز کے پاور ہٹر شرجیل خان کی قیمتی وکٹ حاصل کی اور پھر اس کے بعد آل راؤنڈر محمد نبی کو بھی اپنا شکار بنایا۔

آصف علی نے 3 اوورز میں 27 رنز دے کر 2 وکٹیں حاصل کیں۔