چین کے دارالحکومت بیجنگ میں سرمائی کھیلوں کے اولمپکس گیمز کا افتتاح آج ہو گا جس میں متعدد ممالک کے سربراہ کی شرکت متوقع ہے۔
بین الاقوامی میڈیا کے مطابق بیجنگ ونٹر اولمپکس میں شرکت کے لئے متعدد عالمی سربراہوں کی آمد کا سلسلہ شروع ہو چکا ہے۔
متحدہ عرب امارات کی ریاست ابوظہبی کے ولی عہد شیخ محمد بن زید النہیان بیجنگ پہنچ چکے ہیں، جبکہ پاکستان کے عمران خان اور روس کے ولادی میرپیوٹن سمیت متعدد عالمی سربراہاں شرکت کریں گے۔
بیجنگ ونٹر اولمپکس کی رنگا رنگ افتتاحی تقریب میں تماشائیوں کو آنے کی اجازت نہیں ہوگی، یہ پہلا موقع ہے کہ جب ونٹر اولمپکس گیمز بند دروازوں کے پیچھے کھیلے جائیں گے۔
گزشتہ چند ماہ سے بیجنگ اولمپکس کو متنازع بنانے کی امریکی کوششیں ناکام ثابت ہوئی ہیں، امریکہ نے اپنے ایتھیلیٹس تو گیمز میں بھیجے ہیں مگر سفارتی سطح پر ان گیمز کیا بائیکاٹ کیا ہے۔
امریکہ کی دیکھا دیکھی انگلینڈ ، آسٹریلیا اور کینیڈا سمیت امریکی لابی کے ممالک نے ان گیمز کا سفارتی بائیکاٹ کا اعلان کر دیا ہے۔
امریکہ نے چین میں انسانی حقوق کی خلاف ورزی پر ان گیمز کا سفارتی بائیکاٹ کر کے متنازع بنانے کی کوشش کی ہے۔
بھارت نے بھی گزشتہ سال لداخ کی گلوان کی وادی میں بھارتی فوجیوں کی درگت بنانے والے چینی کمانڈر کی اولمپک ٹارچ ریلے میں شرکت پر گیمز کی افتتاحی اور اختتامی شرکت سے انکار کر دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News