شاہ محمود قریشی نے کہا ہے کہ سندھ پنجاب بارڈر سے 26 فروری کو لانگ مارچ ہوگا۔
وزیرخارجہ شاہ محمود قریشی نے پیپلزپارٹی کی کرپٹ سندھ حکومت کےخلاف لانگ مارچ پر بیان دیتے ہوئے کہا ہے کہ سندھ پنجاب بارڈر سے 26 فروری کو لانگ مارچ ہوگا۔
انہوں نے کہا کہ لانگ مارچ سندھ کے مختلف اضلاع کا رخ کرے گا، ہرشہرمیں پی پی کی کرپٹ پالیسیوں کےخلاف عوامی اجتماعات ہونگے۔
شاہ محمود قریشی نے کہا ہے کہ پی ٹی آئی کی مرکزی اورصوبائی قیادت سندھ کےعوام سے مخاطب ہوگی۔
دوسری جانب وزیر اطلاعات و محنت سندھ سعید غنی نے وزیر خارجہ کے بیان پر ردعمل دیتے ہوئے کہا کہ شاہ محمود قریشی بہت جلد وزیراعظم عمران خان کے خلاف حسب عادت بیان بازی کریں گے۔
انہوں نے کہا کہ بلاول بھٹو زرداری کے خلاف بیان بازی کرنے سے شاہ محمود کو کچھ حاصل نہیں ہوگا۔
سعید غنی نے کہا کہ شاہ محمود قریشی وزیراعظم بننے کے خواب دیکھ رہے تھے، عمران خان نے قریشی کو شٹ اپ کال دی ہے۔
وزیر اطلاعات و محنت سندھ سعید غنی نے کہا کہ نالائق وزیراعظم کی نظر میں شاہ محمود کی کارکردگی صفر ہے، ملتان میں شاہ محمود قریشی کا سیاسی زوال شروع ہوچکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News