گھرکے دروازے تک مفت علاج فراہم کرنا چاہتے ہیں، بلاول بھٹو

ویب ڈیسک

14th Feb, 2022. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گھرکے دروازے تک مفت علاج فراہم کرنا چاہتے ہیں، بلاول بھٹو

بلاول بھٹو نے کہا ہے کہ گھرکے دروازے تک مفت علاج فراہم کرنا چاہتے ہیں۔

چیئر مین پیپلز پارٹی بلاول بھٹو نے پریس کانفرنس کرتے ہوئے کہا ہے کہ کراچی میں عالمی معیارکے اسپتال میں مفت علاج ہورہا ہے، ایسے علاقوں تک بھی پہنچے جہاں آپ سوچ بھی نہیں سکتے تھے۔

انہوں نے کہا کہ گھرکے دروازے تک مفت علاج فراہم کرنا چاہتے ہیں، سندھ حکومت پبلک پرائیویٹ پارٹنرشپ کےتحت کام کررہی ہے، پبلک پرائیویٹ پارٹنرشپ کا تصور بےنظیر نے پیش کیا تھا۔

بلاول بھٹو نے کہا ہے کہ ہم چاہتے ہیں طبی ادارے عالمی معیار پر پورا اتریں، جناح اسپتال میں2سائبرنائف مشینیں موجود ہیں، جناح اسپتال دنیا میں واحد ادارہ ہے جو 2 سائبرنائف سے مفت علاج کررہا ہے۔

چیئر مین پیپلز پارٹی نے کہا ہے کہ سندھ میں ہرپاکستانی کومفت علاج کی سہولت فراہم کی جارہی ہے، سندھ میں اسپتال کے دروازے سب کیلئے کھلے ہیں، ہم نہیں پوچھتےآپ کے پاس کتنا پیسہ ہے، کون سی زبان بولتےہیں۔

انہوں نے کہا کہ کراچی کے ہیلتھ کیئرکاعملہ پورے پاکستان کیلئے مثال ہے، سیاستدان تودعوے کرتےرہتے ہیں، اکانومسٹ نے پبلک پرائیویٹ پارنٹرشپ پرسندھ کوخطے میں ماڈل قراردیا، کم وسائل کے باوجود زیادہ محنت سے منصوبے کامیاب ہوئے۔