پاکستان کرکٹ ٹیم  کے بیٹنگ کوچ محمد یوسف کا کہنا ہے کہ آسٹریلیا سیریز کے لیے اچھی تیاری کے لیے ہم کھلاڑیوں کے لیے مختلف منظرنامے بنا رہے ہیں۔

حال ہی میں پاکستان کرکٹ بورڈ (پی سی بی) کی جانب سے شیئر کی گئی ایک ویڈیو میں یوسف کھلاڑیوں کو طویل فارمیٹ کے موڈ میں تبدیل کرنے کی کوشش کر رہے ہیں کیونکہ ٹیسٹ اسکواڈ کے زیادہ تر اراکین محدود اوورز کی کرکٹ کھیل رہے ہیں اور پاکستان کو ٹیسٹ کھیلے ہوئے کچھ عرصہ ہو گیا ہے۔

Batting coach @yousaf1788 talks about scenario-based match practice day for the Test players at the NSK. #PAKvAUS #HarHaalMainCricket pic.twitter.com/UiWgxLAoxK

— Pakistan Cricket (@TheRealPCB) February 19, 2022

محمد یوسف نے کہا کہ آخری بار ہم نے گزشتہ سال بنگلہ دیش کے خلاف ٹیسٹ کھیلا تھا، کھلاڑی اپنے گھروں پر تھے پچھلے دو مہینوں کے دوران طویل فارمیٹ نہیں کھیلا،لہذا یہاں ہم انہیں ٹیسٹ ماحول میں ایڈجسٹ کرنے کے کام کے ساتھ ہیں۔

انہوں نے کہا کہ ہم مضبوط تیاریوں کے لیے کھلاڑیوں کے لیے منظرنامے بنا رہے ہیں، آسٹریلیا سیریز اہم ہے کیونکہ یہ آئی سی سی ٹیسٹ چیمپئن شپ کا حصہ ہے، ہم واقعی اس کے منتظر ہیں۔

قومی کرکٹ ٹیم کے بیٹنگ کوچ کا کہنا تھا کہ بلے باز سیشن کے حساب سے بیٹنگ کر رہے ہیں ہم ٹیسٹ میچ کی طرح 90 اوورز کھیل رہے ہیں، ہم کھلاڑیوں کو ٹیسٹ میچ کا احساس دے رہے ہیں۔

لیجنڈری محمد یوسف نے 2006 میں 11 ٹیسٹ میچوں میں 1788 رنز بنائے جو ان کے ٹیسٹ کیریئر کا بہترین سال رہا۔

انہوں نے ویو رچرڈز کا 30 سالہ ریکارڈ توڑ دیا اور 90 ٹیسٹ میں 52.29 کی اوسط سے 7530 رنز بنائے اور 24 سنچریاں، 33 نصف سنچریاں اپنے نام کیں۔

واضح رہے کہ ٹیسٹ آئی سی سی ورلڈ ٹیسٹ چیمپئین شپ کا حصہ ہوں گے جبکہ ون ڈے آئی سی سی مینز کرکٹ ورلڈ کپ سپر لیگ سے منسلک ہیں جہاں سے میزبان بھارت سمیت ٹاپ آٹھ ٹیمیں 2023 50 اوور کے ورلڈ کپ کے لیے براہ راست کوالیفائی کریں گی۔