بلاول بھٹو نے کہا ہے کہ سلیکٹڈ وزیر اعظم سے حساب لیں گے۔
چیئر مین پیپلز پارٹی بلاول بھٹو نے کہا ہے کہ پی پی پی اور اے این پی کے کارکنوں نے جمہوریت کیلئے قربانیاں دی ہیں، آٹھارویں ترمیم کی شکل میں خیبرپختونخوا کو شناخت دی۔
انہوں نے کہا کہ دونوں جماعتوں نے وسائل کے حصول کیلئے جدوجہد کی، جب بڑے بڑے لیڈر دہشگردوں سے ڈرتے تھے۔ تب اے این پی اور پیپلز پارٹی نے انکو للکارا۔
بلاول بھٹو نے کہا کہ ملک کو معاشی بحران کا سامنا ہے، اے این پی اور پی پی پی مل کر کام کریں گی، ہم سلیکٹڈ حکومت کے خلاف نکل رہے ہیں، اے این بھی ساتھ دے گی، سلیکٹڈ وزیر اعظم سے حساب لیں گے۔
چیئر مین پیپلز پارٹی نے کہا کہ میری جماعت کے کسی ممبر کو کال نہیں آئی، عام شہری کا واحد سوال یہ کہ کب عمران خان سے جان چھٹے گی، یہ عام آدمی کی لڑائی ہے۔
انہوں نے کہا کہ نہ ہم کسی ادارے پر حملہ کرسکتے ہیں، نہ عدالتوں پر نہ پی ٹی وی پر، اس حکومت کو گھر بھیجنے تک چین سے نہیں بیٹھیں گے، ہم حکومت وقت کیلئے کھلا میدان نہیں چھوڑ سکتے ہیں۔
بلاول بھٹو نے کہا کہ سینیٹ الیکشن میں ہم نے حکومت کو شکست سے دوچار کیا، اٹھارویں ترمیم خطرے میں ہے ، سلیکٹڈ حکومت کے خلاف دونوں جماعتیں اکھٹے لانگ مارچ کرینگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News