شہر قائد میں آج بھی دن بھر تیز ہوائیں چلنے کا سلسلہ جاری رہے گا۔
محکمہ موسمیات کے مطابق شہر میں آج کم سے کم درجہ حرارت 17 ڈگری سینٹی گریڈ ریکارڈ کیا گیا ہے جبکہ آج زیادہ سے زیادہ درجہ حرارت 32 ڈگری سینٹی گریڈ ریکارڈ ہونے کا امکان ہے۔
محکمہ موسمیات نے بتایا کہ شہر میں اس وقت 24 کلو میٹر فی گھنٹہ کی رفتار سے شمال مشرقی ہوا چل رہی ہیں، آج مطلع صاف رہے گا تاہم آئندہ چوبیس گھنٹے تک بارش کا کوئی امکان نہیں ہے۔
محکمہ موسمیات نے مزید بتایا کہ آئندہ آنے والے دنوں میں درجہ حرارت میں مسلسل اضافے کا امکان ہے۔
دوسری جانب آج ملک کے بیشتر شہروں میں موسم سرد اور خشک رہے گا۔
محکمہ موسمیات نے بتایا ہے کہ آج اسلام آباد سمیت صوبہ پنجاب کے بیشتر اضلاع میں موسم خشک رہے گا۔
محکمہ موسمیات نے بتایا کہ صوبہ خیبرپختونخواہ اور صوبہ سندھ کے بیشتر اضلاع میں بھی موسم سرد اور خشک رہے گا۔
اسکے علاوہ صوبہ بلوچستان کے بیشتر علاقوں میں موسم سرد اور خشک رہے گا جبکہ گلگت بلتستان اورکشمیرمیں مطلع جزوی ابر آلود اور موسم سرد رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News