بھارتی فرسٹ کلاس ٹورنامنٹ رانجی ٹرافی میں اپنے کیئریر کا پہلا میچ کھیلنے والے مسلمان کھلاڑی ثاقب الغنی نے ٹرپل سنچری بنا کر نئی تاریخ رقم کر دی۔

بھارتی ریاست بہار سے تعلق رکھنے والے ثاقب الغنی فرسٹ کلاس کرکٹ کی تاریخ کے پہلے بلے باز ہیں جنہوں نے یہ تاریخی کارنامہ سرانجام دیا۔

 ثاقب الغنی نے میزورم کے خلاف کولکتہ میں جاری رانجی ٹرافی میچ کے دوسرے دن اپنی ٹرپل سنچری مکمل کی۔ اس اننگ کے دوران انہوں نے بابل کمار کے ساتھ مل کر چوتھے وکٹ کے لئے 538 رنز کی پارٹنر شپ بھی بنائی۔

ثاقب الغنی کی فرسٹ کلاس کرکٹ میں دھماکے دار انٹری پر بی سی سی آئی بھی متاثر ہوئے بنا نہ رہ سکی۔

ثاقب  الغنی نے پہلے ہی فرسٹ کلاس میچ میں ٹرپل سنچری لگا دی ہے۔ وہ ایسا کرنے والے دنیا کے پہلے بلے باز بنے ہیں۔

اس عالمی ریکارڈ کے علاوہ ثاقب الغنی نے رانجی ٹرافی میں ڈیبیو پر سب سے بڑا انفرادی اسکور بنانے والے بیٹسمین کا ریکارڈ بھی بنا ڈالا۔

 ثاقب الغنی نے میزورم کے خلاف کولکتہ میں کھیلے جا رہے رانجی ٹرافی کے مقابلے میں اپنی ٹرپل سنچری 387 گیندوں پر 50 چوکے لگاتے ہوئے پوری کی۔

بھارتی میڈیا کے مطابق ثاقب الغنی کا تعلق ایک متوسط مسلمان گھرانے سے ہے، ان کے بڑے بھائی فیصل غنی کا کہنا ہے کہ ثاقب الغنی کو کرکٹ کا جنون تھا، لیکن ایک ہم اس کے لئے ایک اچھا بیٹ تک نہیں خرید سکتے تھے۔

ثاقب الغنی کے بڑے بھائی فیصل غنی کا کہنا ہے کہ ایک اچھے بیٹ کی قیمت 30 سے 35 ہزار روپئے تھی۔ ایک متوسط طبقے کے لئے اسے خرید پانا ایک خواب جیسا تھا.

فیصل غنی نے بتایا کے ہمارے والدین نے پیسے کی کمی کبھی بھائی کے کرکٹ میں رکاوٹ نہیں بننے دیا۔ جب بھی اقتصادی پریشانی آتی تو ماں اپنے زیورات تک گروی رکھ دیتی تھیں۔

ثاقب الغنی جب رانجی ٹرافی کھیلنے جا رہے تھے، تب ماں نے انہیں تین بیٹ دیئے اور بولیں کہ جاو بیٹا ٹرپل سنچری لگاکر آنا اور اس نے آج وہ کردکھایا۔

ثاقب الغنی سے پہلے بھارت کی جانب سے فرسٹ کلاس ڈیبیو پر سب سے بڑی اننگ کھیلنے کا ریکارڈ مدھیہ پردیش کے بلے باز اجے روہیرا کے نام تھا۔

اجے روہیرا  نے 19-2018 کے رانجی ٹرافی کے سیزن میں حیدرآباد کے خلاف مقابلے میں 267 رنز کی اننگ کھیلی تھی۔ جبکہ بہار کے ثاقب الغنی نے ٹرپل سنچری جڑ کے روہیرا کے ریکارڈ کو بریک کیا۔