چین میں 133 مسافروں کو لے جانے والا طیارہ گر کر تباہ ہوگیا۔
بین الاقوامی خبر رساں ادارے کے مطابق چائنا ایسٹرن ایئر لائنز کا ایک بوئنگ 737 طیارہ گر کر تباہ ہوگیا ہے۔
طیارہ کنمنگ سے گوانگژو جا رہا تھا جس میں 133 مسافر سوار تھے۔طیارے کو گوانگزی کے علاقے میں حادثہ پیش آیا جس کے بعد پہاڑوں پر آگ لگ گئی۔
فوری طور پر ہلاکتوں کی تعداد معلوم نہیں ہو سکی ہے، حادثے کی اطلاع ملتے ہی ریسکیو ٹیمیں جائے حادثے پر روانہ ہوگئی ہیں۔
6 سال پرانے 737-800 بوئنگ ہوائی جہاز کے حادثے کی وجہ کے بارے میں ابھی کچھ معلوم نہیں ہوسکا ہے۔
واضح رہے کہ چین کی ایئر لائن انڈسٹری کا حفاظتی ریکارڈ گزشتہ دہائی کے دوران دنیا میں سب سے بہترین رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News