اسلام آباد: وفاقی وزیرداخلہ محسن نقوی نے مارگلہ ٹریلز پیٹرول یونٹ کا باقاعدہ افتتاح کردیا۔
وفاقی وزیرداخلہ محسن نقوی نے مارگلہ ٹریلز پیٹرول یونٹ کا باقاعدہ افتتاح کیا جب کہ اس موقع پر انہوں نے فرینڈز آف پولیس سے ہاتھ ملایا اور ان سے گفتگو کی۔
وفاقی وزیرداخلہ محسن نقوی نے موٹر سائیکل اور گھڑ سوار یونٹ کا معائنہ کیا، وفاقی وزیرداخلہ محسن نقوی نے مارگلہ ٹریلز پیٹرول یونٹ کے پولیس افسران سے ملاقات کی اور انہیں محنت سے فرائض ادا کرنے کی تلقین کی۔
وفاقی وزیرداخلہ محسن نقوی نے کہا کہ 60 پولیس افسران پر مشتمل فورس مارگلہ ٹریلز پر گشت کرے گی جب کہ یہ مارگلہ پیٹرول یونٹ مارگلہ ٹریلز پر لوگوں کی حفاظت کے لئے تشکیل دیا گیا ہے۔
ان کا کہنا تھا کہ یہ یونٹ فٹ پیٹرول، موٹرسائیکل پیٹرول اور گھڑ سوار پیٹرول پر مشتمل ہے، مارگلہ ٹریلز یونٹ کی تشکیل کا مقصد ٹریلز پر آنے والے شہریوں کو محفوظ ماحول فراہم کرنا ہے۔
محسن نقوی نے بتایا کہ اگر کوئی شہری راستہ بھول جاتا ہے یا کوئی ایمرجنسی ہوجاتی ہے تو یہ افسران فوری مدد کے لئے پہنچیں گے۔
وفاقی وزیر داخلہ نے مارگلہ ٹریلز کے علاقے میں موبائل سگنل کا مسئلہ حل کرنے کے لیے فوری اقدامات کی ہدایت کرتے ہوئے کہا کہ موبائل ٹاور لگانے کا جائزہ لیا جائے۔
آئی جی اسلام آباد پولیس علی ناصر رضوی نے مارگلہ پیٹرول یونٹ کے بارے میں بریفنگ دیتے ہوئے کہا کہ فٹ پیٹرول میں 10 پولیس افسران شامل ہیں جو مکمل حفاظتی کٹ کے ساتھ ٹریلز پر پیدل گشت کریں گے۔
بریفنگ میں بتایا کہ موٹرسائیکل یونٹ 06 موٹرسائیکلز اور 16 افسران پر مشتمل ہے جب کہ گھڑ سوار 8 گھوڑوں پر ٹریلز پر گشت کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News