صابن ایک وقت تک استعمال کرنے کے بعد چھوٹے ٹکڑوں میں بدل جاتا ہے جنہیں آخر میں پھینکنا ہی پڑتا ہے لیکن ہمارے پاس کچھ ایسے آسان گھریلو طریقے بھی ہیں جن سے یہ دوبارہ استعمال کے قابل بن سکتے ہیں۔

ٹوائلٹ میں صابن لٹکانے سے کیا ہوتا ہے؟

اگر آپ باتھ روم کے لئے مختلف فریشنرز کو خریدنے میں ڈھیروں روپے خرچ کرتے ہیں تو یہ ٹوٹکا آپ کے لئے کافی فائدہ مند ثابت ہوگا۔

کسی بھی جالی دار کپڑے میں صابن یا اس کے بچے ہوئے ٹکڑے باندھ کر ٹوائلٹ میں لٹکا لیں۔

ہر بار جب آپ فلش کریں گے پانی میں صابن شامل ہوجائے گا اور ٹوائلٹ صاف ہونے کے ساتھ ساتھ باتھ روم میں خوشبو بھی پھیل جائے گی۔

ہینڈ واش بنالیں

آج کل کورونا وائرس کی وجہ سے گھروں میں ہینڈ واش کا استعمال بڑھ گیا ہے جو کہ ایک اچھی عادت ہے۔

صابن کے بچے ہوئے ٹکڑے جمع کرکے اسے بلینڈر میں ڈالیں اور اتنا پانی ڈال کر بلینڈ کریں کہ وہ گاڑھا گاڑھا لکوئیڈ بن جائے۔ اب اسے بوتل میں بھر لیں اور ہینڈ واش کی جگہ استعمال کریں۔

کپڑوں میں خوشبو کےلئے استعمال کریں

نہانے کے لگژری صابنوں میں مہنگے پرفیومز جیسی خوشبو ہوتی ہے۔ صابن کے بچے ہوئے ٹکڑے خشک کرکے کپڑوں کی الماری میں رکھ دیں تونا صرف کپڑے خوشبودار ہوجاتے ہیں بلکہ الماری میں کیڑے مکوڑے بھی نہیں آتے۔

سلائی کے دوران استعمال کریں

بھارت کی ایک مشہور ڈریس ڈیزائنر کہتی ہیں کہ صابن کے بچے ہوئے ٹکڑے کپڑوں پر چاک کی جگہ استعمال ہوسکتے ہیں اس کے علاوہ سوئیاں بھی ان ٹکڑوں میں لگا کر محفوظ رکھی جاسکتی ہیں۔

باتھ ٹب

اگر آپ کے پاس باتھ ٹب ہے تو باتھنگ بمبز وغیرہ خریدنے میں کافی پیسہ لگتا ہوگا۔ اس کی بجائے اگر آپ صابن کے بچے ہوئے ٹکڑوں کو کدوکش کر کے ایک جار میں بھر لیں اور نہانے سے پہلے ٹب میں پانی بھر کر صابن کے یہ ٹکڑے ڈال دیں