بلاول بھٹو نے کہا ہے کہ عمران خان شکست کا سامنا نہیں کر سکتے۔
چیئر مین پیپلز پارٹی بلاول بھٹو نے ٹوئٹر پر جاری ایک پیغام میں کہا ہے کہ اسپیکر نے آج قومی اسمبلی میں تحریک عدم اعتماد پیش کرنے سے بچنے کے لیے ایک اور بہانہ پیش کر دیا۔
انہوں نے کہا کہ عمران ہمیشہ کے لیے نہیں چل سکتے، وزیر اعظم کے پاس اسپورٹس مین اسپرٹ نہیں ہے اور وہ شکست کا سامنا نہیں کر سکتے۔
Speaker provided another weak excuses to avoid tabling no confidence motion in National Assembly today. Imran can’t run forever. PM has no sportsman sprit and cannot face defeat with grace. The once great Kaptaan will go down like a rat on a sinking ship.
Advertisement— BilawalBhuttoZardari (@BBhuttoZardari) March 25, 2022
اس سے قبل پارلیمٹ کے باہر اپوزیشن ارکان کی میڈیا سے آج ہونے والے اجلاس پر گفتگو ہوئی جس پر جواب دیتے ہوئے قائد حزب اختلاف شہباز شریف نے کہا ہے کہ اسپیکرقومی اسمبلی اسد قیصر نے زیادتی کی ہے۔
ان کہنا تھا کہ آج اسپیکرقومی اسمبلی نے پارلیمانی اقدار کو پامال کیا اور اگر قانون کی پابندی کرتے ہوئے آج ووٹنگ کرواتے۔
انہوں نے کہا کہ اسپیکر قومی اسمبلی نے پی ٹی آئی ورکر کا کردار ادا کیا، انہوں نے عمران نیازی کے ساتھ مل کر سازش کی ہے۔
بعدازاں پی پی پی کے چیئرمین بلاول بھٹو نے کہا کہ اسپیکر عمران خان کا آلہ کار بن کے سیشن سے بھاگے ہیں لیکن اپوزیشن عمران خان کو نہیں بھاگنے دے گی۔
ان کا کہنا تھا کہ عدم اعتماد کیلئے3 سال جدوجہد کی ہے اور اب یہ ہمارا جمہوری ہتھیار بننے والی ہے۔
انہوں نے کہا کہ اپوزیشن نے تحریک عدم اعتماد پیش کی تو حکومت کا خوف نظر آیا کہ وزیراعظم اپنی اکثریت کھو چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News