صدر مملکت ڈاکٹر عارف علوی نے کہا ہے کہ پاکستان کی نظم و ضبط اور پیشہ ور مسلح افواج کی موجودگی میں کوئی میلی آنکھ سے نہیں دیکھ سکتا۔
صدر مملکت ڈاکٹر عارف علوی نے اسلام آباد میں یوم پاکستان پریڈ کے منتظمین کو ایوارڈز دینے کے بعد تقریب سے خطاب کرتے ہوئے پاک فوج کی صلاحیتون کو سراہا ہے۔
صدر نے کہا کہ پاکستان اپنی مسلح افواج کی طاقت کی وجہ سے مضبوط اور مستحکم ہے۔
عارف علوی نے کہا کہ پاکستان نے ہمیشہ مشکل حالات سے فتح حاصل کرکے دشمن کی سازشوں کو ناکام بنایا ہے۔
صدر نے کہا کہ دنیا میں ہماری افواج ہی ہیں جنہوں نے دہشت گردی کی لعنت سے کامیابی سے نمٹا۔ انہوں نے کہا کہ اس جنگ میں ان کی قربانیوں کو ہمیشہ یاد رکھا جائے گا۔
انہوں نے کہا کہ پاکستان نے اپنے دفاع کے لیے ایٹمی صلاحیت حاصل کی ہے اور یہ کسی بھی چیلنج سے نمٹنے کی صلاحیت رکھتا ہے۔
عارف علوی نے آفات کے دوران سیکیورٹی اہلکاروں کی خدمات کو بھی سراہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News