شاہ محمود قریشی نے کہا ہے کہ تحریک انصاف نے پیپلزپارٹی کی طرح زبانی باتیں نہیں کیں۔
وزیرخارجہ شاہ محمود قریشی نے میڈیا سے گفتگو کرتے ہوئے کہا ہے کہ جنوبی پنجاب کو اپنے حقوق دینے جارہے ہیں، جنوبی پنجاب ملک کا ایک اور صوبہ بننے جا رہا ہے۔
انہوں نے کہا کہ ملتان کو وزرات عظمیٰ ملنے کے باوجود جنوبی پنجاب کو صوبے کا درجہ نہیں دیا گیا، ماضی کی حکومتوں نے جنوبی پنجاب کو صوبہ بنانے سے متعلق وعدے کیے۔
شاہ محمود قریشی نے کہا کہ تحریک انصاف کوئی علاقائی نہیں ایک وفاقی جماعت ہے، تحریک انصاف نے پیپلزپارٹی کی طرح زبانی باتیں نہیں کیں، تحریک انصاف نے جنوبی پنجاب کو اپنے منشور میں شامل کیا ہے۔
وزیرخارجہ نے کہا کہ وزیراعظم عمران خان نے کہا کہ جنوبی پنجاب صوبے کو منشور میں شامل کریں، جنوبی پنجاب کی آبادی کی تعداد ساڑھے تین کروڑ سے زائد ہے، جنوبی پنجاب صوبہ بننے سے وفاق مضبوط ہوگا۔
انہوں نے کہا کہ جنوبی پنجاب صوبہ بننے سے وفاق مضبوط ہوگا، ہم نے پیپلزپارٹی کی طرح زبانی جمع خرچ نہیں کیا، جنوبی پنجاب صوبہ بنانے کیلئے ہم نے موثرمہم چلائی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News