بھارتی ڈرامہ سیریلز کی مشہور اداکارہ سارا نے اپنے سابق شوہر علی مرچنٹ سے علیحدگی کی وجہ بتا دی۔
بھارتی میڈیا رپورٹ کے مطابق بھارتی ماڈل اور اداکارہ سارہ خان نے 12 سال بعد اپنے سابقہ شوہر علی مرچنٹ سے علیحدگی کی وجہ بتا دی ہے، جس کے بعد مشہور بھارتی شو لاک اپ میں ایک ساتھ موجود سارہ خان اور علی مرچنٹ ایک بار پھر خبرویں کی سُرخیوں کا حصہ بنے ہوئے ہیں۔
لاک اپ شو سے چند روز قبل سارہ خان اور علی مرچنٹ کی گفتگو کی ویڈیو منظر عام پر آئی تھی، جس میں ماڈل نے سابقہ شوہر کو ماضی کا قصہ چھیڑنے سے روک دیا تھا۔
بھارتی میڈیا رپورٹ کے مطابق سارہ خان نے پہلی بار اپنے شوہر علی مرچنٹ سے علیحدگی سے متعلق انکشاف کیا اور کہا کہ علی مرچنٹ نے مجھے ’مساج پارلر ورکر‘ کے لیے دھوکا دیا، لیکن میں نے سابقہ شوہر کو 350 سے زائد مرتبہ چانس دیا۔
سارہ خان نے لاک اپ شو کی گزشتہ قسط میں انکشاف کیا کہ علی مرچنٹ کو طلاق کے لیے درخواست دینے سے پہلے کئی مواقع دیے، جس نے میرے ہی مساج پارلر میں کام کرنے والی خاتون کے لیے مجھے دھوکا دیا۔
یاد رہے کہ لاک اپ شو میں علی مرچنٹ گزشتہ ہفتے داخل ہوئے، دونوں اداکاروں نے 2010 میں بگ باس سیزن 4 میں شادی کی تھی، جس کے 2 ماہ بعد ہی اداکارہ نے طلاق کے لیے درخواست دائر کر دی تھی۔
گزشتہ روز نشر کئی گئی لاک اپ شو کی قسط میں ماڈل و اداکارہ کو کرن ویر بوہرا سے گفتگو کرتے دیکھا گیا، جس میں انہوں نے بتایا کہ علی مرچنٹ کو کئی مواقع دینے کی کوشش کی لیکن اس نے مجھے ناکام بنا دیا۔
سارہ خان نے مزید کہا کہ علی مرچنٹ اُس دوران مجھے ہر وقت پریشان کرتا، بے عزت کرتا، میں نے مواقع دیے، اُس وقت بھی موقع دیا جب میں نے اس کا جھوٹ پکڑ لیا تھا۔
اداکارہ نے یہ بھی کہا کہ ساڑھے 3 سال کے دورانیے میں، میں نے اُسے 350 مواقع دیے کیونکہ یہ میرا پہلا تعلق تھا جسے ظاہر ہے میں جانے دینا نہیں چاہتی تھی۔
یاد رہے کہ بھارتی خوبرو اداکارہ سارہ خان پاکستان آکر پاکستانی شوبز انڈسٹری کے ڈرامے میں بھی اداکاری کر چکی ہیں اور پاکستان میں ان کی اداکاری کے ہُنر کو بےحد سراہا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News