وزیراعظم شہباز شریف نے پشاور موڑ میٹرو بس منصوبے میں تاخیر کا نوٹس لیتے ہوئے معاملے کی تحقیقات کا حکم دے دیا۔
وزیراعظم شہباز شریف آج میٹرو سروس اسلام آباد پر جاری کام کا جائزہ لینے پشاور موڑ میٹرو بس کی سائٹ پر پہنچے، یہ منصوبہ نواز شریف کے دور میں 2017 میں شروع ہوا تھا اور اسے 2018 میں مکمل ہونا تھا۔
یہ منصوبہ گذشتہ 5 سال سے تاخیر کا شکار ہے، وزیراعظم نے اس تخیر کی تحقیقات کرانے کا حکم بھی دے دیا۔
وزیراعظم نے اسلام آباد میٹرو کو تین راستوں سے موٹر وے سے جوڑنے اور بارہ کہو، پشاور موڑ اور روات کے روٹس پر میٹرو بس چلانے کے لیے فوری فزیبیلیٹی تیار کرنے کی ہدایت کی ہے۔
اس کے ساتھ ہی انہوں نے سی ڈی کو بروز ہفتہ 16 اپریل کو کو میٹرو بس سروس پشاور روڈ سے ائیرپورٹ تک چلانے کا حکم دیا ہے۔
وزیراعظم نے اسلام آباد اور گردونواح کے شہریوں کو بہترین اور معیاری سفری سہولیات یقینی بنانے کی ہدایت کی ہے۔
شہباز شریف نے رمضان المبارک میں میٹرو سروس شہریوں کے لئے مفت چلانے کا حکم دیا ہے جس کے بعد اس مقدس مہینے میں شہری مفت سفری سہولت حاصل کریں گے۔
اس موقع پر وزیراعظم نے کہا کہ سابقہ حکمران اپنی پونے چار سال کی نالائقی نااہلی چھپانے کے لئے غیر ملکی سازش کے جھوٹ کی رٹ لگائے ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News