پاکستان پیپلزپارٹی کے چیئرمین بلاول بھٹو زرداری نے عمران خان کیخلاف عدم اعتماد کی کامیابی کو جمہوری سازش قرار دیا ہے۔
لندن میں میاں نواز شریف سے ملاقات سے قبل صحافیوں سے غیر رسمی گفتگو کرتے ہوئے پی پی پی چیئرمین بلاول بھٹو نے عدم اعتماد کے حوالے سے واضح بات کی ہے۔
“ہم نے ایک ایسے وزیر اعظم کو جمہوری طریقے سے نکالا جو غیر جمہوری طریقے سے اقتدار پر قابض ہوا تھا۔” چیئرمین پاکستان پیپلز پارٹی بلاول بھٹو زرداری@BBhuttoZardari pic.twitter.com/8aCIHvyIc0
— PPP (@MediaCellPPP) April 21, 2022
انہوں نے کہا ہے کہ عمران خان کی حکومت کے خلاف عدم اعتماد کی تحریک بیرونی سازش نہیں بلکہ جمہوری سازش تھی جو کہ بلاول ہاؤس میں بنائی گئی تھی۔
ان کا کہنا تھا ہم نے جمہوری طریقے سے عمران خان کی سلیٹکڈ حکومت کو ختم کیا ہے۔
انہوں نے کہا کہ ہم نے ایک ایسے وزیر اعظم کو جمہوری طریقے سے نکالا جو غیر جمہوری طریقے سے اقتدار پر قابض ہوا تھا۔
انہوں نے مزید کہا کہ عمران خان کو تو ہم نے ہٹا دیا ہے مگر عمران نے جو نقصان جمہوریت، خارجہ پالیسی اور معیشیت کو پہنچایا ہے اب ہم نے ملکر اس کا مقابلہ کرنا ہے۔
“عمران خان کو تو ہم نے ہٹا دیا ہے مگر عمران نے جو نقصان جمہوریت، خارجہ پالیسی اور معیشیت کو پہنچایا ہے اب ہم نے ملکر اس کا مقابلہ کرنا ہے۔”
لندن: پاکستان پیپلزپارٹی کے چیئرمین بلاول بھٹو زرداری کی میاں نواز شریف سے ملاقات سے قبل مقامی ہوٹل میں میڈیا ٹاک@BBhuttoZardari pic.twitter.com/Q6JyJg54wq— PPP (@MediaCellPPP) April 21, 2022
بعدازاں بلاول بھٹو اور میاں نواز شریف کی ملاقات ہوئی جس میں ملک کی مجموعی سیاسی صورت حال پر بھی تبادلہ خیال کیا گیا۔
بلاول بھٹو زرداری اور میاں نواز شریف نے قومی سیاسی معاملات میں افہام و تفہیم اور اتفاق رائے سے ساتھ چلنے کے عزم کا بھی اظہار کیا ۔
پاکستان پیپلزپارٹی کے چیئرمین نے کہا کہ عمران خان کا بیانیہ ہے کہ مجھے کیوں نہیں بچایا۔ بلاول بھٹو زرداری کا کہنا تھا کہ ہم نے ایک بار پھر پاکستان میں جمہوریت کی بحالی کی طرف جانا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News