پاکستان مسلم لیگ ن کے ہنگامی اجلاس میں شرکت کے لئے وزیراعظم پارٹی کی سینئر قیادت کے ہمراہ لندن پہنچ گئے ہیں۔
وزیراعظم شہباز شریف اور ن لیگ سے تعلق رکھنے والے وفاقی وزراء اسلام آباد سے لندن روانہ ہوئے ہیں جہاں ان کی ملاقات نواز شریف سے ہوگی۔
ذرائع کے مطابق وزیر اعظم شہبازشریف برٹش ایئر ویز کی پرواز بی اے 260 سے لندن روانہ ہوئے ہیں۔
خیال رہے کہ گزشتہ روز سابق وزیر اعظم نواز شریف نے وزیراعظم شہباز شریف اور ن لیگی وزراء کو ملاقات کے لیے لندن طلب کیا تھا۔
ذرائع کا کہنا ہے کہ ن لیگ کی سینئر قیادت لندن میں اجلاس کیلئے رات کے وقت روانہ ہوچکی ہے جبکہ وزیر اعظم شہباز شریف کی بھی اجلاس میں شرکت کا امکان ہے۔
ذرائع کا کہنا ہے کہ اجلاس میں شرکت کیلئے شاہد خاقان عباسی لندن میں پہلے سے موجود ہیں جبکہ احسن اقبال، مریم اورنگزیب، سعد رفیق اور خرم دستگیر لندن روانہ ہوئے ہیں۔
واضح رہے کہ گزشتہ روز وزیراعظم کی زیر صدارت کابینہ کے اجلاس کے بعد حکومتی ترجمان نے کہا کہ دورے کا مقصد ملک کو درپیش اہم مسائل پر مشاورت ہے جس پر انہوں نے زور دیا کہ سیاسی جماعتوں میں یہ کوئی غیر معمولی عمل نہیں ہے۔
ذرائع کا کہنا ہے کہ اجلاس کا اہم ایجنڈا اس بات پر بات چیت ہو گا کہ یا تو پٹرولیم مصنوعات پر سبسڈی جاری رکھی جائے یا پھر نرخوں میں اضافہ کیا جائے ۔
ذرائع نے بتایا کہ پیٹرولیم کی قیمتوں میں اضافہ آئی ایم ایف کے پروگرام کی بحالی کے لیے بھی ایک پیشگی شرط ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News