وزیراعظم شہباز شریف کو حکومتی اتحادیوں کو جلد انتخابات پر آمادہ کرنے کا ٹاسک سونپ دیا گیا ہے۔
اس حوالے سے ذرائع کا کہنا ہے کہ سابق وزیراعظم نواز شریف کی جانب سے شہاز شریف کے ذمے اتحادیوں انتخابات پر راضی کرنے کا ٹاسک دیا گیا ہے۔
ذرائع کے مطابق نوازشریف نے کہا اتحادیوں کو بتائیں کہ میعشیت کو سنبھالنے کے لیے نیا مینڈیٹ چاہیے، عالمی مالیاتی اداروں سے بات چیت اور بڑے فیصلوں کے لیے لانگ ٹرم حکومت کی ضرورت ہے۔
ذرائع نے بتایا کہ نواز شریف کے مطابق سخت فیصلے اس وقت کیے جاتے ہیں جب کچھ عرصے بعد اسکا تدارک بھی کیا جاسکے، اگر سخت فیصلے کروانے ہیں تو پھر یقین دہانی کروائی جائے کہ انتخابات 2023میں ہوں گے۔
نواز شریف کا کہنا تھا کہ اگرعمران خان کو کنٹرول نہیں کیاجاسکتا تو پھر ہمیں فوری انتخابات میں جانا ہوگا تاہم حتمی فیصلہ اتحادیوں سے مشاورت مکمل کرنے اور آمادگی پر ہوگا۔
خیال رہے کہ گزشتہ ہفتے وزیراعظم کے ہمراہ حکومتی وفد مسلم لیگ ن کے بلائے جانے والے ہنگامی اجلاس میں شرکت کے لئے لندن پہنچا تھا۔
لندن میں سابق وزیراعظم نواز شریف کی زیرصدارت 2 اجلاس منعقد ہوئے جس میں ملک کی معاشی و سیاسی صورتحال پر غور کیا گیا۔
اس دوران نواز شریف نے جلد انتخابات پر حامی بھری جبکہ شہباز شریف کے گروپ نے انتخابی اصلاحات کے بعد الیکشن پر زور دیا۔
تاہم لندن میں ہونے والے ہنگامی اجلاس میں معاشی و سیاسی صورتحال سے نمٹنے کے لئے کوئی ایم فیصلے نہیں کیے گئے تھے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News