پانی کی ٹنکی کو شدید گرمی میں ٹھنڈا رکھنے کا آسان طریقہ جانیے

ویب ڈیسک

23rd May, 2022. 10:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پانی کی ٹنکی کو شدید گرمی میں ٹھنڈا رکھنے کا آسان طریقہ جانیے

ہمارے ہاں آج کل فلیٹوں کا رواج زیادہ ہوگیا ہے جہاں اکثر پانی کے مسئلے کا سامنا کرنا پڑتا ہے اسی لئے زیادہ تر گھروں میں پلاسٹک کی ٹنکیاں لگی ہوتی ہیں۔

سورج کی تپش میں پلاسٹک کی ٹنکی کا پانی گرم ہو جاتا ہے جو کہ ہماری جلد کے لئے بھی نقصان دہ ہے ایسے میں شدید گرمی میں نہانا بھی مسئلہ بن جاتا ہے اس لیے آج ہم آپ کو آسان طریقہ بتائیں گے جس سے کھولتا ہوا پانی ٹھنڈا ہو جائے گا ۔

آپ کی پلاسٹک کی ٹنکی اگر گول ہے تواس کے اطراف میں تھرموپول کی پتلی شیٹ اچھی طرح کسی ٹیپ وغیرہ سے چپکا دیں یا کسی پلاسٹک کی ستلی سے باندھ دیں تاکہ ہر طرف سے ٹنکی کور ہو جائے۔

اب اس کے اوپر جوٹ یا بوری کا کپڑا لپیٹ دیں اور اس کو بھی اچھی طرح پلاسٹک کی ستلی یا ڈوری سے باندھ دیں تاکہ وہ ہوا سے ہٹے نا۔

اس کے بعد ڈھکنے پر بھی اس کی سائز کی شیٹ کاٹیں اور پھر جوٹ سے کور کر کے اوپر سے بھی ڈھانک دیں اور اس پر کوئی بھاری پتھر وغیرہ رکھ دیں تاکہ اڑ نہ جائے۔

اب آپ مزے سے اس ٹنکی کا پانی استعمال کریں یہ ٹھنڈا رہے گا۔