وزیراعظم شہباز شریف نے کہا ہے کہ پاک چین اقتصادی راہداری (سی پیک) آنے والی نسلوں کے روشن مستقبل کی علامت اور ضمانت ہے۔

وزیراعظم شہباز شریف کی جانب سے چین پاکستان سفارتی تعلقات قائم ہونے کی 71ویں سالگرہ پر صدر شی جن پنگ، دونوں ممالک کی حکومتوں اور عوام کو مبارک پیش کرتے ہوئے پیغام جاری کیا گیا ہے۔

Our relationship with China has transformed into an Iron Brotherhood over last 71 years. This comprehensive strategic partnership has stood test of time & emerged as a factor of stability in the region & beyond. My congratulations to the govts & peoples of both countries. 🇵🇰 🇨🇳

Advertisement

— Shehbaz Sharif (@CMShehbaz) May 21, 2022

وزیراعظم نے کہا ہے کہ چین اور پاکستان دو بھائیوں کے نام ہیں اور میں چین اور پاکستان کے اول تا آخر تمام قائدین اور راہنماؤں کو سلام پیش کرتا ہوں جنہوں نے اس بے مثال دوستی کو کوآپریٹو اسٹرٹیجک پارٹنر شپ اور آئرن برادرز کے رشتے میں ڈھالا ہے۔

 انہوں نے کہا کہ وقت کی کوئی آندھی، عالمی حالات کا کوئی طوفان اور حسد کی کوئی آگ اس فولادی بندھن پر اثرانداز نہیں ہوسکی۔

انہوں نے مزید کہا کہ آج ہم اپنے ان پیاروں کو بھی خراج عقیدت پیش کرتے ہیں جن کی جان پاک چین دوستی کی وجہ سے لی گئی۔

اس موقع پر وزیراعظم نے کہا کہ جامعہ کراچی کے باہر ہمارے چینی بھائیوں اور بہن کو نشانہ بنایا گیا، ہم ان سمیت پاک چین دوستی پر قربان ہونے والوں کو سلام پیش کرتے ہیں، ان کے اہل خانہ سے اپنے غم کا اظہار کرتے ہیں اور یہ پختہ عہد ہے کہ ان جرائم میں ملوث دشمنوں کا خاتمہ کریں گے۔

شہباز شریف نے کہا کہ سی پیک دونوں ممالک ہی نہیں خطے سے غربت مٹانے، معاشی تعاون، خطے کو جوڑنے اور پائیدار استحکام کی مظبوط بنیاد ہے جو کہ آنے والی نسلوں کے روشن مستقبل کی علامت اور ضمانت ہے۔

وزیراعظم نے کہا کہ پختہ عزم ہے کہ آئرن برادرز کا یہ مثالی بندھن مزید بلندیوں، باہمی تعاون، اعتماد اور قربتوں کی نئی رفعتوں اور بلندیوں سے ہم کنار ہو۔