پاکستان مسلم لیگ ن کے رہنما شاہد خاقان عباسی نے کہا ہے کہ دوسرے سابق وزیراعظم کو اتنی سیکیورٹی نہیں دی گئی جتنی عمران خان کو دی جا رہی ہے۔

احتساب عدالت کے باہر شاہد خاقان عباسی نے میڈیا سے گفتگو کرتے ہوئے کہا کہ عمران خان کو اگر سیکیورٹی تھرٹ آیا ہے تو حکومت مقابلہ کرے گی۔

انہوں نے کہا کہ وہ صدر جو رات کے اندھیروں میں بلوں پر دستخط کرتا تھا اب اسے قانون میں نقائص نظر آتے ہیں اور کل جو بل واپس بھیجا وہ صدر کے مطابق انصاف کے تقاضوں پر پورا نہیں اترتا ہے۔

انہوں نے مزید کہا کہ ملک کا صدر جب ایک پارٹی کا کارکن بن جائے گا تو ملک کیسے چلے گا۔

ن لیگی رہنما کا کہنا تھا کہ پوری پارلیمان کا منظور شدہ بل درست نظر نہ آنا سمجھ سے بالاتر ہے جبکہ صدر کو کہنا چاہیے کہ نیب نے ملک کی تباہی کے سوا کچھ نہیں دیا ہے۔

انہوں نے سوال کیا کہ صدر نے  چیئرمین  نیب کو بلا کر کبھی پوچھا کہ کیا کیس بنائے گئے جبکہ یہ ادارہ سیاسی توڑ پھوڑ کےلیے استعمال ہوا ہے اور اس کا ہر کیس  جھوٹا ہوتاہے۔

شاہد خاقان عباسی کا کہنا تھا کہ صدر سے گزارش نے کہ پی ٹی آئی کی ٹوپی اتاریں، نیب سے ریکارڈ منگوا لیں اور دیکھیں کہ ادارے نے چار سالوں میں کیا کیا ہے۔

ان کا کہنا تھا کہ نیب کے ادارے کو بند ہونا چاہیے نیب نے ملک کے نظام کی تباہی کے علاوہ کچھ نہیں کیا ہے۔

اس موقع پر انہوں نے نے بتایا کہ لوڈشیڈنگ میں بہت حد تک کمی آئی ہے اور تیل کی خرید سے متعلق  معاملے کو بھی دیکھ رہے ہیں۔

اس حوالے سے ان کا کہنا تھا کہ اس وقت مسئلہ یہ ہے کہ نا ایل این جی خریدیں گئی نا کوئلہ خریدا گیا اور یہ تمام چیزیں اب مہنگی ہوتی جا رہے ہے۔