ناصر شاہ نے کہا ہے کہ آپ روز روز نیوٹرل کو للکارتے ہو اب آپ دوبارہ سلیکٹ نہیں ہونگے۔
وزیربلدیات ناصر حسین شاہ نے عمران خان کے بیان پر ردعمل دیتے ہوئے کہا کہ عمران خان خود کو دنیا کا بڑا سوشل سائنٹسٹ اور ماہر معاشیات سمجھتا ہے جو اس کی خود فریبی ہے۔
انہوں نے کہا کہ ملک میں جو عمران نے معاشی بحران پیدا کیا آج نہ صرف حکومت بلکہ عوام بھگت رہی ہے۔
ناصر حسین شاہ کا کہنا تھا کہ بجائے اپنی نااہلی پر نادم ہونے کے ڈھٹائی سے عمران خان عوام کو احتجاج پر اکسا رہے ہیں، اگر اتحادی حکومت نے عمران نیازی سے نپٹنے کا فیصلہ کیا تو یہ خود اپنے خلاف واعدا معاف گواہ بن جائیگا۔
وزیربلدیات ناصر حسین شاہ کا مزید کہنا تھا کہ عمران کا زرداری صاحب پر غصہ بنتا ہے کیون کہ انہون ان کو جس طرح نکالا اس کی مثال ملک میں نہیں ملتی، آپ روز روز نیوٹرل کو للکارتے ہو اب آپ دوبارہ سلیکٹ نہیں ہونگے۔
واضح رہے اس سے قبل چیئرمین پاکستان تحریک انصاف عمران خان نے پریس کانفرنس کرتے ہوئے کہا تھا کہ عالمی سازش کے تحت اقتدار میں آنے والوں نے عوام کے لیے صرف مشکلات پیدا کی ہیں، انہوں نے معیشت ٹھیک کرنی تھی کیوں کہ خود کو تجربہ کار سمجھتے تھے۔
انہوں نے کہا کہ کراچی میں صبح سے عوام سڑکوں پر ہے، ان لوگوں نے صرف اپنے اوپر 1100 ارب روپے کے کیسز ختم کرائے، انہوں نے اپنے آپ کو این آر او ٹو دیا، اپنی کرپشن بچانے کیلئے انہوں نے اداروں کو تباہ کیا۔
عمران خان نے کہا ہے کہ موجودہ کابینہ میں 60 فیصد لوگ ضمانتوں پر ہیں، پاکستان میں 2 خاندانوں نے 30 سال حکمرانی کی ہے، 30 سال کرپشن کرنے والوں نے صرف خود کو این آر او دیا ہے۔
عمران خان نے کہا ہے کہ انہوں نے ایف آئی اے اور نیب کو تباہ کر دیا ہے، ہمارے دور میں اتنی لوڈشیڈنگ نہیں تھی، آج ان کے پاس کوئلے کے پیسے ہیں نہ ایل این جی کیلئے۔
چیئر مین پاکستان تحریک انصاف نے کہا کہ یہ لوگ مہنگائی کم کرنے آئے تھے، سیاستدانوں کو بھیڑ بکریوں کی طرح خریدا جاتا ہے، ابھی تو لوگوں کو بجلی کے بل آنے ہیں۔
انہوں نے کہا کہ سوائے اپنی چوری بچانے کے عوام پر بوجھ کم کرنے کی حکمت عملی بھی بنائیں، پرامن احتجاج کی اجازت ہمارا آئین دیتا ہے، 2 جولائی کو ہم تاریخی پرامن احتجاج کریں گے۔
عمران خان نے کہا ہے کہ پشاور، کراچی، لاہور اور دیگر بڑے شہروں میں بھی لوگ سڑکوں پرنکلیں، ڈنڈے سے جمہوریت کبھی نہیں چلتی، جمہوریت اخلاقی قوت سے چلتی ہے۔
چیئر مین پاکستان تحریک انصاف نے کہا کہ سری لنکا میں پہلے معاشی پھر سیاسی بحران آیا، پاکستان میں ایک سازش کے تحت پہلے سیاسی بحران پیدا کیا گیا، شہباز شریف کی ساری ڈویلپمنٹ اشتہاروں میں ہوتی ہے۔
انہوں نے کہا کہ موجودہ حکمرانوں میں ملک کو بحرانوں سے نکالنے کی کوئی صلاحیت نہیں تھی، لوگ پرامن احتجاج کریں، توڑ پھوڑ سے ملک کا نقصان ہوتا ہے، ملکی حالات بہتر کرنے کا واحد راستہ شفاف انتخابات ہیں۔
عمران خان نے کہا ہے کہ پنجاب میں لگ رہا ہے کہ حمزہ شہباز کی حکومت نہیں رہے گی، پنجاب کے ضمنی انتخابات میں دھاندلی کی تیاریاں ہورہی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News