عدالت نے حمزہ شہباز کےالیکشن کو کالعدم قراردینے کی درخواست پراٹارنی جنرل پاکستان اور ایڈوویکٹ جنرل کو نوٹس جاری کر دیے۔
تفصیلات کے مطابق لاہور ہائی کورٹ میں وزیراعلیٰ پنجاب حمزہ شہباز کے الیکشن کو کالعدم قرار دینے کی درخواست پر سماعت ہوئی جس میں عدالت نے اٹارنی جنرل پاکستان اور ایڈووکیٹ جنرل کو 20 جون کے لیے نوٹس جاری کیے۔
لاہور ہائی کورٹ نے وزیر اعلی پنجاب حمزہ شہباز، چیف سیکریٹری پنجاب سمیت دیگر کو بھی نوٹس جاری کر دیے۔
جسٹس شجاعت نے پاکستان تحریک انصاف کی تین ایم پی ایز کی درخواست پر سماعت کی، سماعت کے دوران اسسٹنٹ ایڈووکیٹ جنرل طیب جان نے درخواست کے قابل سماعت ہونے سے متعلق اعتراض اٹھایا۔
اظہر صدیق وکیل درخواست گزار نے عدالت کے سامنے مؤقف اختیار کیا کہ سپریم کورٹ کے فیصلے کے بعد منحرف اراکین کی پوزیشن واضح ہو چکی ہے۔
وکیل درخواست گزار نے یہ مؤقف بھی اپنایا کہ منحرف اراکین کے ووٹ منفی ہونے سے حمزہ شہباز اکثریت نہیں رکھتے۔
سرکاری وکیل طیب جان دلائل دیے کہ درخواست گزار تحریک انصاف کی اراکین ہیں ان کے پاس اسمبلی سے رجوع کرنے کا اختیار موجود ہے۔ درخواست گزار حمزہ شہباز کے خلاف تحریک عدم اعتماد لا سکتے ہیں۔
سرکاری وکیل نے عدالت سے استدعا کی کہ درخواست قابل سماعت نہیں، خارج کی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News