بالی ووڈ کے معروف اداکار شاہ رخ خان نے اپنے بیٹے کے حوالے جذباتی بات کہہ دی۔
غیر ملکی خبر رساں ادارے کے مطابق گزشتہ برس اکتوبر میں ممبئی کی بندرگاہ پر لنگر انداز ایک کروز شپ پر نارکوٹکس کنٹرول بورڈ کے چھاپے میں اپنے بیٹے کی گرفتاری اور بعدازاں ضمانت پر رہائی کے بعد سے نہایت صبر و ضبط کے ساتھ خاموشی اختیار کر رکھی ہے۔
تاہم جب اداکار شاہ رخ خان کے بیٹ آریان کو گرفتار کیا گیا تو ایک موقع پر نارکوٹکس کنٹرول بورڈ کے ایک افسر سے گفتگو کرتے ہوئے شاہ رخ خان نے کہا تھا کہ ہمیں اس طریقے سے پیش کیا جارہا ہے جیسے کہ ہم بہت بڑے مجرم اور گناہ گار ہیں جو معاشرے کو تباہ کرنا چاہتے ہیں۔
یادرہے کہ این سی بی کے افسر سنجے سنگھ جو اس کیس کی تحقیقات کررہے تھے میڈیا سے گفتگو کے دوران بتایا کہ گرفتاری کے بعد شاہ رخ نے ان سے ملاقات کرکے درخواست کی کہ انہیں آریان سے ملاقات اور اس کے ساتھ رات کو رہنے کی اجازت دی جائے۔
اس حوالے سے شاہ رخ کا کہنا تھا کہ انہیں آریان کی جسمانی اور ذہنی بہتری کے حوالے سے تشویش ہے تاہم انہیں رہنے کی اجازت نہیں دی گئی۔
شاہ رخ خان نے افسر سے کہا کہ ہمیں مجرم اور گناہ گار بناکر پیش کیا جارہا ہے۔
واضح رہے کہ این سی بی نے حال ہی میں 24 سالہ آریان خان کو اس کیس میں بے گناہ قرار دے دیا۔
جبکہ چارج شیٹ میں بھی آریان کا نام شامل نہیں تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News