صوبائی وزیرداخلہ سندھ ضیاالحسن لنجارنے اسپیشل سیکیورٹی یونٹ ہیڈ کوارٹرزکراچی کا دورہ کیا جہاں ڈی آئی جی سیکیورٹی ڈاکٹرمقصود احمد نے ان کا استقبال کیا۔
وزیرداخلہ سندھ کے ہمراہ ایڈیشنل چیف سیکریٹری داخلہ سندھ محمد اقبال میمن بھی موجود تھے۔ ایس ایس یو کے چاک وچوبند دستے نے مہمانوں کو سلامی پیش کی۔
وزیر داخلہ سندھ نے ڈی آئی جی سیکیورٹی کے ہمراہ ایس ایس یو کے مختلف شعبوں کا دورہ کیا اورایس ایس یو کی موجودہ پیشہ ورانہ مہارت اورانتظامی امور کی تعریف کی۔
وزیر داخلہ سندھ ضیاالحسن لنجارنے ایس ایس یو کانفرنس ہال میں اجلاس کی صدارت کی، ڈی آئی جی سیکیورٹی ڈاکٹر مقصود احمد نے سیکیورٹی ڈویژن کے ماتحت یونٹس پر بریفنگ دی۔
ایرانی صدرکے دورہ پاکستان اورکراچی میں کھیلے گئے بین الاقوامی میچزکے دوران کیے گئے سیکیورٹی انتظامات سے متعلق بھی آگاہ کیا۔
ڈی آئی جی نے بتایا کہ ایس ایس یو کمانڈوزکی پیشہ ورانہ مہارت میں مزید اضافے کے لیے پاکستان آرمی مختلف ٹریننگ انسٹیٹیوٹ میں تربیت فراہم کررہی ہے۔
اجلاس میں کمانڈنٹ ایس ایس یو عبدللہ میمن، ایس پی ایس ایس یو شمائل ریاض، ایس پی ایس ایس یو سعد ارشاد، ایس پی سیکیورٹی، ملک اصغر عثمان اور ایس پی فارنرز سیکیورٹی سیل فاروق احمد نے بھی شرکت کی۔
وزیرداخلہ نے S.W.A.T ٹیم کی جانب سے کسی بھی ہنگامی صورتحال سے نمٹنے کے لیے فرضی مشقوں کا مشاہدہ بھی کیا۔ ڈی آئی جی سیکیورٹی ڈاکٹر مقصود احمد نے وزیر داخلہ سندھ کو یادگاری شیلڈ بھی پیش کیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News