پاکستان ریلویز کا ٹرین آپریشن تاحال متاثر ہے اور ٹرینیں گھنٹوں تاخیر کا شکار ہیں۔
ترجمان پاکستان ریلویز کے مطابق پاکستان ریلویز امدادی کاموں کے بعد جھمپیر ٹریک بحال کر چکی ہے ، ریلوے ٹریک بحالی کے بعد میٹنگ اسٹیشن کے قریب کوئلے کی کان کنوں نے ٹریک پر دھرنا دے دیا اور انہوں نے مطالبات نہ ماننے تک دھرنا جاری رکھنے کا اعلان کررکھا ہے۔
ترجمان پاکستان ریلویز نے کہا کہ ڈی سی ٹھٹہ دھرنے کی جگہ مذاکرات کے لیے روانہ ہو گئے ہیں ، جھمپیر ٹریک خرابی کی وجہ سے گاڑیوں کی آمد رفت میں تاخیر کا باعث ہے۔
ترجمان نے بتایا کہ آج کراچی سے پہلی ٹرین رحمان بابا صبح 10 بجے روانہ ہونی تھی اب شام 6 بجکر 30 منٹس پر روانہ ہوگی جب کہ ہزارہ ایکسپریس صبح 5 بجکر 50 منٹس پر روانہ ہونے والی اب شام 7 بجکر 30 منٹس پر روانہ ہونا متوقع ہے۔
ترجمان پاکستان ریلویز کا کہنا تھا کہ صبح 7 بجے روانہ ہونے والی عوام ایکسپرس اب رات 9 بجے تک متوقع ہے ، بقایا تمام گاڑیوں کا شیڈول شام 6 بجے کےبعد دیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News