وزیر داخلہ رانا ثناء اللہ نے کہا ہے کہ سابق وزیراعظم عمران خان کی بلیک میلنگ اوردھمکیوں سےکوئی خوفزدہ نہیں ہوگا۔
پریس کانفرنس کرتے ہوئے وزیر داخلہ کا کہنا تھا کہ کل عمران خان صاحب نے ایک پریس کانفرنس کی ہے جس میں وہ کہتے ہیں ہراساں تنگ کیا جا رہا دیوار سے لگایا جا رہا ہے اور اگر یہ بند نہ ہوا تو سب کچھ بتا دونگا۔
رانا ثناء اللہ نے کہا کہ آپکے خلاف تو ابھی کچھ نہیں ہوا لیکن اب ان کی بلیک میلنگ اوردھمکیوں سے کوئی خوفزدہ نہیں ہوگا۔
انہوں نے کہا کہ کی جانے والی کرپشن پر میرٹ پر کارروائی ہوگی اور قانون اپنا راستہ خود بنائے گا۔
انہوں نے مزید کہا کہ عمران خان پوچھ گچھ پرپریشان ہو رہے ہیں جبکہ عمران خان سب کچھ مخالفین کے ساتھ 3 سال تک کرتے رہے ہیں۔
وفاقی وزیر نے کہا ابھی تو صرف سوالات پوچھے جا رہے ہیں لیکن یہ بتائیں کہ عمران خان کا اے سی اتار دیا گیا، پنکھا یا ادویات بندکردی گئیں؟ وہ بتائیں کیا انہیں کوٹ لکھپت یااڈیالہ میں بند کردیاگیا؟
ان کا کہنا تھا کہ یہ لوگ خود کہتے تھے چین سعودی عرب کانظام چاہتے ہیں لیکن ابھی کچھ نہیں صرف فرح گوگی اور ایک ٹیپ سامنے آیا ہے ۔
انہوں نے کہا کہ جھوٹے کیسز بنانے والوں کو سچے کیسز کا سامنا کرنا پڑے گا ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News