وفاقی وزیر اطلاعات مریم اورنگزیب نے بجلی کی قیمتوں میں اضافے کی تردید کردی ہے۔

سماجی رابطے کی ویب سائٹ ٹوئٹر پر اپنے جاری کردہ پیغام میں مریم اورنگزیب نے کہا کہ بجلی کی قیمتوں میں اضافے کے حوالے سے چلنے والی خبروں میں کوئی صداقت نہیں۔

بجلی کی قیمتوں میں اضافے کے حوالے سے چلنے والی خبروں میں کوئی صداقت نہیں
میڈیا سے درخواست ہے کہ اس طرح کی خبریں چلانے سے پہلے تحقیق کرلیا کریں

— Marriyum Aurangzeb (@Marriyum_A) July 19, 2022

وفاقی وزیر مریم اورنگزیب نے مزید کہا کہ میڈیا سے درخواست ہے کہ اس طرح کی خبریں چلانے سے پہلے تحقیق کرلیا کریں۔

وفاقی حکومت نے مرحلہ وار دوبارہ بجلی بم گرانے کی تیاری کرلی

وفاقی حکومت نے آئی ایم ایف کی شرط پر دوبارہ بجلی بم گرانے کی تیاری شروع کردی ہے۔

وفاقی حکومت نے بجلی کا بنیادی ٹیرف 7 روپے 91 پیسے بڑھانے کی درخواست نیپرا میں دائر کردی ہے۔

نیشنل الیکٹرک پاور ریگولیٹری اتھارٹی (نیپرا) کی جانب سے وفاقی حکومت کی درخواست پر کل سماعت ہوگی، نیپرا سماعت کے بعد فیصلہ نوٹیفیکشن کیلئے وفاقی حکومت کو بھجوائے گی۔

وفاقی حکومت نے بجلی کا بنیادی ٹیرف مرحلہ وار بڑھانے کا پلان تیار کیا ہے جس میں کے الیکٹرک سمیت تمام ڈسکوز کیلئے بجلی کا بنیادی ٹیرف بڑھانے کی تجویز ہے۔