سابق وفاقی وزیر فواد چوہدری نے دعویٰ کیا ہے کہ رحیم یار خان سے پی ٹی آئی کے ایم پی اے مسعود مجید 40 کروڑ روپے لیکر ترکی پہنچ گئے۔
تفصیلات کے مطابق پی ٹی آئی کے رہنما فواد چوہدری نے پریس کانفرنس کرتے ہوئے کہا کہ پنجاب میں وزیراعلیٰ کا الیکشن بہت اہم ہے، ضمنی انتخابات کے دوران ن لیگ کو بدترین شکست ہوئی ہے۔ پنجاب کے عوام نے فیصلہ دے دیا تخت پنجاب تحریک انصاف کا ہے۔
انہوں نے کہا کہ تحریک انصاف کے پاس ؎ 188افراد موجود ہیں، پی ٹی آئی کورکمیٹی نے پرویزالہیٰ کو وزیراعلیٰ کا امیدوار نامزد کیا ہے۔
فواد چوہدری کا کہنا تھا کہ پنجاب میں ایک شیطانی اور مکروہ کھیل شروع کیا گیا ہے، ایم پی ایز کو خریدنے کے لیے 50 کروڑ روپے کی آفر دی جارہی ہے، رحیم یار خان سے ایم پی اے مسعود مجید 40 کروڑ روپے لیکر ترکی پہنچ گئے۔
پی ٹی آئی کے رہنما کا کہنا تھا وزیرداخلہ نے بیان دیا کہ 5لوگ ادھر سے ادھر ہوسکتے ہیں، ن لیگ کے دیگر وزراء بھی ارکان کے غائب ہونے سے متعلق بیان دے رہے ہیں جبکہ آصف زرداری نے بھی لوگوں کو خریدنے کا کاروبار جاری رکھا ہوا ہے۔
انہوں نے کہا کہ پی پی 7 اور مظفرگڑھ میں دوبارہ گنتی کی درخواستیں دی ہوئی ہیں، پنجاب میں انتخابات پر اثرانداز ہونے کے لیے نیا کھیل شروع کیا گیا ہے۔
فواد چوہدری نے کہا کہ سپریم کورٹ اس معاملے کی تفصیلی انکوائری کرے جبکہ سپریم کو رٹ آصف زرداری، عطا تارڑ ، راناثنا اللہ کی گرفتاری کے احکامات جاری کرے اور ان کے خلاف الیکشن میں خریدو فروخت کے الزام پر مقدمہ چلایا جائے۔
پی ٹی آئی رہنما نے مزید کہا کہ پیپلزپارٹی کے پاس سندھ میں نالے کھولنےکیلئے پیسہ نہیں اور ارکان خرید رہےہیں، پاکستان کے عوام غیر اخلاقی سیاست کو کبھی برداشت نہیں کریں گے۔
اس سے قبل سابق وزیراعظم عمران خان نے ٹوئٹ کرتے ہوئے کہا کہ آج لاہورمیں بھی سندھ ہاؤس اسلام آباد والی ہارس ٹریڈنگ کی صورتحال سامنے آرہی ہے اور ہمارے ایم پی ایز کو خریدنے کے لیے 50 کروڑ کی آفر کی جارہی ہے۔
This is not only an attack on our democracy but also on moral fabric of our society. Had SC taken action & debarred these turncoats for life it would have acted as deterrent. Don't Handlers of US regime change conspiracy's Imported govt realise severe damage being done to nation?
Advertisement— Imran Khan (@ImranKhanPTI) July 20, 2022
چیئرمین پی ٹی آئی نے کہا کہ ان سب کے پیچھے آصف زرداری ہیں، جو اپنی کرپشن پر این آر او حاصل کرتے ہیں اور لوٹی ہوئی دولت سے لوگوں کو خریدتے ہیں ، یہ نہ صرف ہماری جمہوریت بلکہ ہمارے معاشرے کے اخلاقی اقدارپر حملہ ہے، اگر سپریم کورٹ نے ایکشن لیا ہوتا اور ان لوٹوں پر تاحیات پابندی لگائی ہوتی تو یہ سلسلہ رک سکتا تھا۔
واضح رہے کہ سپریم کورٹ آف پاکستان کے حکم پر 22 جولائی کو وزیراعلیٰ پنجاب کا انتخاب ہوگا اور پی ٹی آئی کی جانب سے پرویز الٰہی اور ن لیگ کے حمزہ شہباز وزارت اعلیٰ کے امیدوار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News