قومی ٹیم کے نوجوان فاسٹ بولر شاہین شاہ آفریدی اپنے سسر شاہد آفریدی کے نقش قدم پر چلتے ہوئے بھارتی مداح کی خواہش پوری کردی۔
پاکستان کرکٹ ٹیم کے فاسٹ بولر اور لاہور قلندرز کے کپتان شاہین شاہ آفریدی کے مداح پاکستان اور بھارت سمیت پوری دنیا میں موجود ہیں۔ ایک مداح نے بھارتی پرچم پر شاہین آفریدی سے آٹو گرام لینے کی خواہش ظاہر کی تو فاسٹ بولر نے بھی ان کا دل نہیں توڑا۔
سوشل میڈیا پر شاہین شاہ آفریدی کی ایک مداح کو بھارتی پرچم پر آٹوگراف دیتے ہوئے تصویر وائرل ہو رہی ہے جس میں وہ بھارتی پرچم ہاتھ میں تھامے اپنے مداح کی خواہش پوری کررہے ہیں۔
ٹوئٹر پر ایک صارف کی جانب سے شاہین آفریدی کی وائرل تصویر کے ساتھ قومی ٹیم کے سابق کپتان اور شاہین آفریدی کے سسر شاہد آفریدی کی ایک پرانی تصویر بھی اپ لوڈ کردی جس میں انہوں نے ایک مداح کی خواہش پر بھارتی پرچم کے ساتھ تصویر بنوائی تھی۔
سوشل میڈیا پر شاہد آفریدی اور شاہین آفریدی کے اس اقدام کو سراہا جارہا ہے اور خاص طور پر بھارتی شائقین کرکٹ کی جانب سے ان کی تعریف کی جارہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News