نیشنل الیکٹرک پاور ریگولیٹری اتھارٹی نے کوئلے کی افغانستان اور دیگر ممالک سے خریداری پر سماعت کی ہے۔
تفصیلات کے مطابق سماعت کے دوران منظور شدہ گائیڈ لائنز پر آئی پی پیز کے خدشات اور تجاویز اتھارٹی کی جانب سے لے لی گئیں۔
نیپرانے نے کہا کہ سماعت کا مقصد منظور شدہ گائیڈ لائنز میں اٹھائے گئے خدشات کو دور کرنا اوراسٹیک ہولڈرز سے تجاویز حاصل کرنا تھا۔
دورانِ سماعت چئیر مین نیپرا نے ریمارکس دیتے ہوئے کہا کہ کوئلے کی فراہمی میں مسابقت بڑھانے کے لئے نئی کمپنیوں کی حوصلہ افزائی کررہے ہیں۔
چئیر مین نیپرا نے بتایا کہ وزیراعظم کو کول پاور پرچیزنگ اتھارٹی نے کول سپلائرز کے لئے پری کوالیفکیشن کی شرط رکھنے کی تجویز پیش کی ہے ۔
یپرا اتھارٹی نے کہا کہ دورانِ سماعت دی گئی تجاویز کے ذریعے آن سپاٹ کوئلے کی خریداری میں بہتری اور مزید مسابقت پیدا کی جائے گی۔
اتھارٹی نے اسٹیک ہولڈرز کے تحفظات ، تجاویزاور گائیڈ لائینز پر مزید کام کرنے کا ارادہ ظاہر کیا ہے تاکہ کوئلے سے چلنے والے پاور پلانٹس کے لئے مختلف ذرائع سے خریداری شروع کرکے جلد از جلد سستی بجلی کی پیداواری کو یقینی بنایا جاسکے۔
چئیرمین نیپرا توصیف ایچ فاروقی نےمزید کہا کہ گورنمنٹ سیکٹر کا حال ہم جاننتے ہیں کہ ہر چیز کتنی مشکل ہے تاہم بہتری کیلئے کام کرنا ہوگا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News