عمران خان نے کہا ہے کہ الیکشن نہیں کرایا تو ملک ڈیفالٹ کر جائے گا۔

تفصیلات کے مطابق کونسل آف پاکستان نیوز پیپرز ایڈیٹرز کے وفد نے سابق وزیراعظم و چیئرمین تحریک انصاف عمران خان سے ملاقات کی ہے۔

‘اسمبلیاں ہر صورت تحلیل ہوں گی’

عمران خان نے سی پی این ای کے وفد سے ملاقات میں گفتگو کرتے ہوئے کہا کہ اب نیوٹرل کا امتحان ہے، اسمبلیاں ہر صورت تحلیل ہوں گی اور اگر دوبارہ اقتدار میں آئے تو ان کا احتساب کریں گے جو خود کو قانون سے بالاتر سمجھتے ہیں۔

یہ بھی پڑھیں؛ عمران خان نے کہا اسمبلی توڑو، ہم نے فوری حامی بھر لی، پرویزالہیٰ

سابق وزیراعظم نے کہا کہ جس طرح نو اپریل کی رح سب کو ایکسپوز کیا تھا میں نے اسمبلی کی تحلیل کا اعلان کر کے یہ دیکھنا چاہتا ہوں کہ کون آئین کی راہ میں روکاوٹ ہیں۔

چیئرمین تحریک انصاف نے یہ بھی کہا کہ باجوہ سے میرا کوئی ذاتی مسئلہ نہیں ہے ، الیکشن نہیں کرایا تو ملک سیدھا ڈیفالٹ کر جائے گا اور اگرملک ڈیفالٹ کرے تو ملک پیچھے چلا جائے گا۔

ان کا کہنا تھا کہ جس وقت باجوہ نے فیض حمید کو ہٹایا توپتہ چل گیا تھا کہ حکومت گرانے کا پلان بن گیا ہے، میں نے باجوہ کو بلا کر کہا کہ اگر حکومت گرانے کا پلان بنایا گیا ہے تو کوئی ایکنومی نہیں سنبھال سکتا۔

یہ بھی پڑھیں؛ چیئرمین پی ٹی آئی عمران خان کی طبیعت ناساز

عمران خان کا یہ بھی کہنا تھا کہ چین میں کورونا نہ آتا تو ہماری ایکنومی بہت  بہتر ہوتی، باجوہ کو بہت سمجھایا کہ سولہ ارب کے کیسز شہباز شریف پر ہیں کیسے حکومت میں لا سکتے ہیں، اس سے ہمیں پتہ چلا کہ کرپشن ان کا ایشو ہی نہیں تھا، باجوہ کا زور تھا کہ کرپشن کیسز کی طرف توجو نہ دی جائے۔

‘نواز شریف اور زرداری کی پراپرٹی باہر ملک میں ہے’

عمران خان کا یہ بھی کہنا تھا کہ جس ملک کی آمدنی کم ہو وہاں قرضے واپس کیسے ہوں گے؟ نواز شریف اور زرداری کی سیاست پاکستان میں اور ان کی پراپرٹی باہر ملک میں ہے، یہ کیسے ممکن ہے کہ یہ انویسٹمنٹ لے کے آئیں۔

سابق وزیراعظم و چیئرمین تحریک انصاف عمران خان کا مزید کہنا تھا کہ نیب 1999 میں آئی تھی اب تک نیب کے آنے کے بعد کرپشن میں اضافہ ہوا یا کم ہوا؟ طاقت ور کو ہاتھ لگائے بغیر انصاف نہیں ہو سکتا۔